Historjjálaš arkiiva

Gulahallančoahkkin guskkolaš suohkaniiguin

Historjjálaš arkiiva

Almmustahttináigodat Regjeringen Stoltenberg II

Almmustahtti: Suodjalusdepartemeanta

Measta njealljelogi suohkana ja fylkkagieldda ledje vuolgán Osloi searvat gulahallančoahkkimii Suodjalusa guhkesáiggeplána birra.

Measta njealljelogi suohkana ja fylkkagieldda ledje vuolgán Osloi searvat gulahallančoahkkimii Suodjalusa guhkesáiggeplána birra.

(Forsvarets Forum, Christian Nørstebø)

(Forsvarets Forum, Christian Nørstebø)

- Dát lei čoahkkin ollu hui buriid árvalusaiguin ja munnje lea dehálaš joatkit buori gulahallama guskkolaš suohkaniiguin ja fylkkagielddaiguin, dajai suodjalusministtar Espen Barth Eide maŋŋel čoahkkima.

Ráđđehusa bargu suodjalussuorggi guhkesáiggeplánain lea dál loahpahanmuttuin. Áigumuš lea ovdanbidjat plána Stuoradiggái 2012 giđa. Suodjalushoavdda dálá evttohusat buktet váikkuhusaid ollu suohkaniidda ja fylkkaide. Ráđđehussii lea dehálaš ahte boahtteáiggi suodjaluspolitihkka hábmejuvvo viiddis ja ovttaiduhtti proseassas. Fágamilitearalaš ráva lea danin sáddejuvvon almmolaš gulaskuddamii. Gulaskuddama ulbmil lea viežžat oainnuid guskkolaš almmolaš ja priváhta ásahusain ja organisašuvnnain. Lassin gulaskuddamii, bovdejuvvojedje guskkolaš suohkanat ja fylkkagielddat gulahallančoahkkimii ođđa guhkesáiggeplána birra.