Historjjálaš arkiiva

Álgoálbmotdoaibmabijut davviguovlluáŋgiruššamis

Historjjálaš arkiiva

Almmustahttináigodat Regjeringen Stoltenberg II

Almmustahtti: Bargo- ja searvadahttindepartemeanta

Rádjerasttideaddji máhttoprográmma ásaheapmi ja sierra álgoálbmotprográmma ásaheapmi kulturvuđot ealáhusovddideami várás gullet ráđđehusa davviguovlluáŋgiruššama doaibmabijuide.

Rádjerasttideaddji máhttoprográmma ásaheapmi ja sierra álgoálbmotprográmma ásaheapmi kulturvuđot ealáhusovddideami várás gullet ráđđehusa davviguovlluáŋgiruššama doaibmabijuide.

– Ráđđehusa davviguovlopolitihkka galgá leat mielde suddjemin álgoálbmogiid giela, kultuvrra, ealáhusaid ja servodateallima dadjá stáhtaráđđi Dag Terje Andersen.

Ráđđehus bijai odne ovdan strategiija maid lea gohčodan ”Ođđa huksenávdnasat davvin. Ráđđehusa boahtte ceahkki davviguovlluáŋgiruššamis”. Álgoálbmogiid kultuvrra ja eallivuođu suddjen lea okta dain čieža áŋgiruššansuorggis mat gullet strategiijii. Álgoálbmotsuorggi doaibmabijut leat earret eará:

  • Ásahit rádjerasttideaddji máhttoprográmma man vuođul duođaštit sámi árbedieđu davviguovlluperspektiivvas.
  • Ásahit álgoálbmotprográmma kulturvuđot ealáhusovddideami várás.
  • Ovddidit etihkalaš njuolggadusaid álgoálbmogiid ektui ekonomalaš doaimma oktavuođas davviguovllluin.
  • Ovddidit digitála vuođđostruktuvrra álgoálbmotgielaid várás.
  • Kapasitáhta- ja gelbbolašvuođabajideapmi dain ásahusain mat doaimmahit sámi dutkama, oahpaheami ja máhtto-, ealáhus- ja kulturovddideami davviguovlluin.

-  Eallinvuođđu čadná oktii davviguovlluid álbmogiid badjel riikkarájiid. Álgoálbmogiid erenoamáš vásáhusaid ja máhtu ferte seailluhit ja viidásetovddidit, maiddái danne vai sáhttit dustet boahttevaš hástalusaid. Boahtteáiggi áŋgiruššamis áigu ráđđehus láhčit dilálašvuođaid dasa ahte álgoálbmogat ieža galget beassat oassálastit proseassaide ja ávkkástallat daid vejolašvuođaiguin maid boahtteáiggi ovddideapmi davvin sáhttá addit, dadjá stáhtaráđđi.