India berošta Norgga eamitálbmotpolitihkas

India báikkálašdemokratiija ja eamiálbmotáššiid ministtar Shri V. Kishore Chandra Deo deaivvadii vuossárgga stáhtačálliin Ragnhild Vassvik Kalstad:n, ja soai ságastalaiga eamiálbmotáššiid birra.  Ministtar áigu maid galledit Sámedikki.

-Mu mielas India ministtar beroštii hui ollu Norgga eamiálbmotpolitihkas, ja munnos leai hui  ávkkálaš diehtolonohallan dán guovtti riikka eamiálbmotáššiin.  Ministtar čájehii erenoamáš fuola dasa makkár rolla Sámedikkis lea ja movt gulahallanvuogit doibmet, cealká stáhtačálli Ragnhild Vassvik Kalstad.

India ministtar Shri V. Kishore Chandra Deo oahppaladdá Norgga gielda- ja guovloministara,  ja dan oktavuođas áigu maiddái guokte beaivvi galledit Sámedikki Kárášjogas. Áirasat Gielda- ja guovlodepartemeanttas ja Ođasmahttin-, hálddahus- ja girkodepartemeanttas čuvvot su mielde Kárášjohkii.  

Lea vuosttas gearddi ahte India eamiálbmotministtar galleda Sámedikki.