Vuođđodieđuid galget eanet sáhttit geavahit
Historjjálaš arkiiva
Almmustahttináigodat Regjeringen Stoltenberg II
Almmustahtti: Ođasmahttin-, hálddahus- ja girkodepartemeanta
Preassadieđáhus | Almmustahtton: 17.11.2010 | Maŋimuš ođasmahttojuvvon: 13.12.2010
Eanet almmolaš vuođđodieđut galget lea olámuttos sidjiide geat háliidit daid ávkkástallat. 2011 ođđajagimánu 1.beaivvi rájes galget buot heivvolaš vuođđodieđut lágiduvvot olahahttin ládje mášiidnalohkanhápmái.
Eanet almmolaš vuođđodieđut galget lea olámuttos sidjiide geat háliidit daid ávkkástallat. Otne leat sihke neahtta-bálvalusat ja mobiila atnu prográmmat buotlágan dieđuid nugomat dálkedieđuid ja girdiáiggiid ja busseruvttuid ja gos lagamus falástallanrusttet lea. Dáid bálvalusaid leat eanas priváhta ásahusat hábmen vaikko daidda leat čohkkejuvvon dieđut mat leat almmolaš hálddus. 2011 ođđajagimánu 1.beaivvi rájes galget buot heivvolaš vuođđodieđut lágiduvvot olahahttin ládje mášiidnalohkanhápmái.
- Dát guoská buot dieđuide main lea servodatlaš árvvolašvuohta, maid buohkat sáhttet ávkkástallat, maidda jávohisvuođageasku ii guoskka ja almmuheapmi ii dagat stuora goluid, dadjá ođasmahttinministtar Rigmor Aasrud.
Gáibádus galgá leat mielde buot 2011 juolludusreivviin maid departemeanttat galget sáddet iežaset direktoráhtaide ja ossodagaide mas čilgejit maid sii čuovvovaš jagi galget doaimmahit.
Viidáset atnu
EO lea meroštallan ahte EO ja Norgga almmolaš dieđuid márkanárvu lea sullii 200 miljárdda ruvdno. Go láhččet almmolaš dieđuid dakkár hápmái ahte buot mášiinnat daid sáhttet lohkat, de rahppasit vejolašvuođa ásahit ođđa bálvalusaid dáid dieđuid vuođul.
- Dat mii dál lea dehálaš lea láhččet dieđuid olámuddui ja nu oahppat masa almmolaš dieđut sáhttet geavahuvvot, joatká Aasrud. - Mii leat válljen álgit daid dieđuiguin maid lea álkimus luvvet čiegusvuođas. Dát lea vuosttaš dehálaš lávkin dasa mii galgá buoridit ipmárdusa ja dihtomielalašvuođa viidáset geavaheami birra, ja makkár árvu vuođđodieđuin lea servodahkii, lohká stáhtaráđđi.
Oktasaš vuorkun mearkkaša ahte ossodagat go álggahit ođđa dahje ođastit gávdni dihtorvuogádagaid galget árvvoštallat láhččet vuođđodieđuid mášiidnalohkanhápmái ja nu ahte leat olámuttos.