Aktiver Javascript i din nettleser for en bedre opplevelse på regjeringen.no

Historjjálaš arkiiva

Ráđđehusa guoddalus viessosadjeláigoheami áššis lea hilgojuvvon

Historjjálaš arkiiva

Almmustahttináigodat Regjeringen Stoltenberg II

Almmustahtti: Justis- ja politidepartemeanta

Eurohpálaš olmmošvuoigatvuođaduopmostuollu (EOD) lea hilgon Ráđđehusa viessosadjeláigoheami duomu guoddalusa. Dát mearkkaša ahte EOD duopmu, beaiváduvvon geassemánu 12.b.2012:s lea loahpalaš ja ahte viessosadjeláigoheamilága njuolggadusaid ferte rievdadit go guoská láigohanšiehtadusaid guhkideapmái go šiehtadusáigi nohka.

Eurohpálaš olmmošvuoigatvuođaduopmostuollu (EOD) lea hilgon Ráđđehusa viessosadjeláigoheami duomu guoddalusa. Dát mearkkaša ahte EOD duopmu, beaiváduvvon geassemánu 12.b.2012:s lea loahpalaš ja ahte viessosadjeláigoheamilága njuolggadusaid ferte rievdadit go guoská láigohanšiehtadusaid guhkideapmái go šiehtadusáigi nohka.  

Justiisa- ja gearggusvuođadepartemeanta áiggu dakkaviđe bargagoahtit dahkamis rievdadusaid viessosadjeláigohanlágas, mii váldá vuhtii eurohpálaš olmmošvuoigatvuođakonvenšuvnna (EOK)geatnegasvuođaid. Bargu čuoččáldahttá gáibidahkes gažaldagaid riektesuorggis gos leat garra vuostálas beroštumit. Viidáset lea sáhka njuolggadusain mat gusket oalle ollu olbmuide. Danin lea dehálaš sihke láigoheddjiid ja eananeaiggádiid ektui doaimmahit barggu jođánit.

Ráđđehus ovddidii čakčamánu 14.b. 2012.s evttohusa gaskaboddosaš lága birra mii gullá riektái guhkidit láigoheami orrunviesuide ja astoáiggeviesuide, nu ahte sáhttá čielggadit riektedilálašvuođa dassážii loahpalaš riektečielggadeapmi boahtá. Jus láhkaevttohus dohkkehuvvo, de láigoheami guhkideapmi orrunviesuide ja astoáigeviesuide muddejuvvo gaskaboddosaš lágain dassážii rievdadusat leat váldojuvvon mielde viessosadjeláigohanláhkii.