Áigu ásahit našunála politiijaoperatiiva guovddáža
Historjjálaš arkiiva
Almmustahttináigodat Regjeringen Stoltenberg II
Almmustahtti: Justis- ja politidepartemeanta
Preassadieđáhus | Nr: 32 - 2013 | Almmustahtton: 20.03.2013 | Maŋimuš ođasmahttojuvvon: 25.03.2013
Ráđđehus áigu ásahit našunála politiijaoperatiiva guovddáža nannet dihte politiija koordineren- ja responsanávccaid stuorát dáhpáhusain.
Ráđđehus áigu ásahit našunála politiijaoperatiiva guovddáža nannet dihte politiija koordineren- ja responsanávccaid stuorát dáhpáhusain.
– Suoidnemánu 22.b. vásáhusat čájehedje ahte mis lea dárbu našunála guovddážii mii sáhttá koordineret ovttasdoaibmama dáhpáhusain mat dáhpáhuvvet máŋgga guovllus dahje jus iešguhtetge guovllus ii leat doarvái kapasitehta, dadjá justiisa- ja gearggusvuođaministtar Grete Faremo.
Našunála operašuvdnaguovddáš nanne politiija vejolašvuođa responderet kriissain. Ráđđehusas lea áigumuš ásahit dakkár guovddáža. Suoidnemánu 22. b. – kommišuvnna ráva lea ahte berre ásahuvvot našunála politiijaoperatiiva guovddáš mii lea oassin Oslo operašuvdnaguovddážis.
– Mii áigut árvvoštallat rolla- ja ovddasvástádusjuogu, bargguid ja hábmema go politiijaanalysa gárvána geassái. Árvvoštallanfáddán lea ahte berre go našunála politiijaoperatiiva guovddáš ja Oslo politiijaguovllu operašuvdnaguovddáš leat seamma sajis, láhčin dihte dili buori koordineremii ja resursaávkkástallamii, dadjá Faremo.
Ráđđehus várre vihtta miljovnna ruvnno 2013:s álggahit našunála politiijaoperatiiva guovddáža plánenbarggu.