Historjjálaš arkiiva

Nannet PST návccaid nagodit hehttet terrorfallehemiid

Historjjálaš arkiiva

Almmustahttináigodat Regjeringen Stoltenberg II

Almmustahtti: Justis- ja politidepartemeanta

Ráđđehus áigu nannet PST ja addit bálvalussii buoret rámmaeavttuid vai dat sáhttá čoavdit iežas dehálaš servodatbarggu. Dát lea suoidnemánu 22.b.- kommišuvnna ja Traavik- lávdegotti rávvagiid mielde.

Ráđđehus áigu nannet PST ja addit bálvalussii buoret rámmaeavttuid vai dat sáhttá čoavdit iežas dehálaš servodatbarggu. Dát lea suoidnemánu 22.b.- kommišuvnna ja Traavik- lávdegotti rávvagiid mielde.  

– Mii láhčit dili vai PST buoret sáhttá suodjalit demokratiija ja boargáriid. Oktasaš terrorvuosttildan guovddážiin ja ovttastahttojuvvon riska- ja áitá árvvoštallamiin oažžut eambbo effektiiva ávkkástallama  vákšun- ja sihkkarvuođabálvalusa analysabirrasiin, lohká justis- ja gearggusvuođaministtar Faremo.   

Maŋemus jagiid lea PST bušeahtta lassánan 475,1 miljovnna ruvdnui. Ráđđehus evttoha dál vel lassi nannema 11,5 miljovnna ruvnnuin, mii galgá adnot buoret teknologiija geavaheapmái dieđuid ráhkadahttima ja juohkima dáfus. 

Dasa lassin láhčá ráđđehus dili vai šaddá lagat analysaovttasbargu gaskal PST ja E- bálvalusa ja árvvoštallá maiddái muhtun láhkarievdadusaid.

– Sáhttá leat gáibidahkes bargu gávdnat balánsa gaskal rabasvuođa ja suddjema ja gaskal persovdnasuodjalusa ja vákšuma. Dakkár árvvoštallamat eai sáhte dahkkot dušše oktii buohkaide. Dat lea oassin dađistaga politihkalaš stivremis. Áittadili ja servodatovdáneami rievdadusat sáhttet čájehit ahte árvvoštallamat mat dahkkojedje muhtun jagiid dás ovdal, ožžot odne eará konklušuvnna, lohká Faremo.  

Ráđđehus áigu:

  • Nannet PST strategalaš ja fágalaš stivrema.
  • Guorahallat almmolaš orgánaid jávohisgeatnegasvuođa njuolggadusaid PST ektui.
  • Ovddidit evttohusa rievdadusaide pássalágas vai politiija beassá pássaregisterii mii lea dehálaš reaidun rihkolašvuođavuosttildeamis.
  • Árvvoštallat rievdadusaid Duollolága jávohisgeatnegasvuođa njuolggadusain vai sihkkarastá  ahte duollobálvvát sáhttet addit dieđuid PST:ii jus vuorjašuvvet dainna ahte muhtun lea ráhkkaneame terrordaguide.   
  • Čielggadit hehtte go láhkaásahus PST bivdit E- bálvalusa viežžat dieđuid norgga boargáriid ja olgoriikalaččaid birra geat leat olgoriikkas, dakkár áššiin main PST sáhttá atnit čiegus bággoneavvuid.
  • Árvvoštallat  dárbbu čielggadit PST láhkavuođu das ahte gaskkustit E- bálvalussii persovdnadieđuid mat leat vižžon bággoneavvuid bokte terroráššiid ovttasbarggu oktavuođas.   
  • Sáddet gulaskuddamii  evttohusa das ahte PST:s galget eambbo effektiiva ja buorit čovdosat beassama dáfus olgoriikkaeiseválddiid persovdnadieđuide.  
  • Ovddidit láhkaevttohusa mii galgá nannet vejolašvuođa ráŋggáštan čuovvolit terrorráhkkanemiid. 
  • Čuovvolit Metodaeastadanlávdegotti ja PST evttohusa rievdadit njuolggadusaid  mat gusket čiegus bággoneavvuide ja namatkeahttá vihtanuššamii láhkaevttohusain 2013:s. 
  • Ovddidit evttohusa rievdadeapmái olgoriikkalaččaidlágas mii galgá addit buoret vejolašvuođa eret bidjat riikkas olgoriikalaččaid geat leat duođalaš sihkarvuođaáittan Norgii.