Historjjálaš arkiiva

Politiijain viidána pássaregistara geavaheapmi

Historjjálaš arkiiva

Almmustahttináigodat Regjeringen Stoltenberg II

Almmustahtti: Justis- ja politidepartemeanta

Ráđđehus evttoha ahte politiijat galget sáhttit geavahit pássaregistara dieđuid eanet doaimmaide go odne.

Ráđđehus evttoha ahte politiijat galget sáhttit geavahit pássaregistara dieđuid eanet doaimmaide go odne.

– Mii áigut dahkat pássaregistara beaktilis reaidun kriminalitehta eastadeapmái, dadjá justiisa- ja gearggusvuođaministtar Grete Faremo.

Odne sáhttet politiijat geavahit registara pássahálddašeamis ja rádjedárkkistemiin. Muhto pássagovva lea dehálaš reaidu politiijaide máŋgga oktavuođas.

– Pássaregisttar sáhttá ovdamearkka dihte veahkehit identifisereme mánáid geat leat gillán veahkaválddálašvuođaid, dadjá Faremo.

Evttohusa mielde galget politiijat sáhttit geavahit registara eastadeamis ja go leat dutkkalmasat ráŋggáštahtti daguin mat sáhttet addit alit ráŋggáštusa go giddagasa guđa mánnui, almmá nu ahte dárbbaša čuovvut ráŋggáštusproseassalága geainnu duoguštusaiguin ja addimiiguin.

Láhkaevttohus viidáset lea nu ahte politiijat galget sáhttit geavahit pássaregistara dieđuid barggus gávdnamis láhppon olbmuid ja identifiseret jápmán olbmuid. Registara galgá maiddái sáhttit geavahit identifiseret olbmuid geaid sáhttá viežžat sisa dahje galgá váldit gitta, ja barggus čielggadit identitehta olbmuin geain lea geatnegasvuohta addit dieđuid iežas identitehta birra olgoriikkalašlága mielde.

Láhkaevttohussii lea vuođđun vihkkedallan gaskal persovdnasuddjema ja beaktilvuođa vuhtii váldin.- Mun oaivvildan ahte mii leat gávdnan čovdosiid mat dássádallet daid iešguđetge beroštumiid buori lági mielde, dadjá justiisa- ja gearggusvuođaministtar.