Siviilasuodjalusa, Ruovttusuodjalusa ja Liigepolitiijaveaga organiseren
Historjjálaš arkiiva
Almmustahttináigodat Regjeringen Stoltenberg II
Almmustahtti: Justis- ja politidepartemeanta
Preassadieđáhus | Nr: 41 - 2013 | Almmustahtton: 08.04.2013 | Maŋimuš ođasmahttojuvvon: 02.05.2013
Lávdegoddi lea guorahallan Siviilasuodjalusa, Ruovttusuodjalusa ja Liigepolitiijaveaga organiserema sihkkarastin dihte ahte stáhta geavaha veahkkeresurssaid beaktilit stuorát dáhpáhusain. Odne sii geigejedje iežaset čielggadeami justiisa- ja gearggusvuođaministarii Grete Faremoi ja suodjalusministarii Anne-Grete Strøm Erichsenii.
Suodjalusministtar Anne-Grete Strøm Erichsen ja justiisa- ja gearggusvuođaministtar Grete Faremo vuostáiválddiiga odne čielggadeami lávdegotti jođiheaddjis Ann-Kristin Olsenis. (Govven:JD)
Geahča eambbo govaid Flickris
Lávdegoddi lea guorahallan Siviilasuodjalusa, Ruovttusuodjalusa ja Liigepolitiijaveaga organiserema sihkkarastin dihte ahte stáhta geavaha veahkkeresurssaid beaktilit stuorát dáhpáhusain. Odne sii geigejedje iežaset čielggadeami justiisa- ja gearggusvuođaministarii Grete Faremoi ja suodjalusministarii Anne-Grete Strøm Erichsenii.
– Maŋŋel geassemánu 22.b.terrordaguid ja orkána Dagmar háliideimmet mii ođđa čalmmiiguin geahčadit mot searvevuođa oktasaš resurssat adnojit go stuora dáhpáhusat dáhpáhuvvet. Danin mun illudan lohkat čielggadeami, mii maiddái sáddejuvvo viiddis gulaskuddamii, dadjá justiisa- ja gearggusvuođaministtar Grete Faremo.
– Suodjalus ja siviila servodat doarjuba nubbi nuppi lotnolagaid go duođalaš dáhpáhusat čuožžilit. Mii áigut dál geahčadit čielggadeami ja árvvoštallat mot buoremusat ráfiáiggis geavahit resurssaid kriisahálddašeami dáfus, dadjá suodjalusministtar Anne-Grete Strøm-Erichsen.
Fylkkamánni Ann-Kristin Olsen lea jođihan lávdegotti mii vuođđuduvvui čakčamánu 7.b. 2012:s.