Stáhta dáiddáriid vástesaš stipeanddaid ja dáhkiduvvon sisaboađuid juohkin jagi 2010
Historjjálaš arkiiva
Almmustahttináigodat Regjeringen Stoltenberg II
Almmustahtti: Kulturdepartemeanta
Preassadieđáhus | Nr: 17/2010 | Almmustahtton: 26.03.2010 | Maŋimuš ođasmahttojuvvon: 28.04.2010
Jahkái 2010 lea juolluduvvon dáiddastipeanddaide ja dáhkiduvvon sisaboađuide 215 milj. ruvnno, ja submi juohkása nu ahte dáiddastipeanddaide addojuvvo 112 milj. ruvnno ja dáhkiduvvon sisaboađuide fas addojuvvo 103 milj. ruvnno.
Stáhta dáiddáriid vástesaš stipeanddaid ja dáhkiduvvon sisaboađuid lávdegoddi dat juohká ruđaid Kulturdepartemeantta namas. Juohkin čađahuvvo daid stipeandalávdegottiid evttohusaid vuođul maid dáiddárorganisašuvnnat leat nammadan.
Enaš oassi dáiddárstipeandda juolludusas addojuvvo bargostipeandan ja bargostipeandan nuorra/easkkaálgán dáiddáriidda. Bargostipeanda addojuvvo viđa jahkái, ja bargostipeanda nuorat/easkkaálgán dáiddáriidda fas addojuvvo ovtta, guovtti dahje golmma jahkái. Goappašiid stipeanddaid jahkesupmi lea 186 000 ruvnno. Addojuvvon leat 127 ođđa bargostipeandda jahká 2010, ja 20 dain leat ođđa stipeanddat bušeahtas. Oktiibuot ožžot 256 dáiddára bargostipeandda. 167 dáiddára ožžot nuorat/easkkaálgán dáiddáriid vástesaš bargostipeandda main 85 leat ođđasat.
Addojuvvon leat buohkanassii 641 dáiddárstipeandda. Dan lassin leat addojuvvon 35 ođđa dáhkiduvvon sisaboađu ja 18 ođđa stipeandda vuorrasat ánssášeaddji dáiddáriidda. Ná juohkásit ođđa dáiddárstipeanddat:
- 127 bargostipeandda à kr 186 000
- 85 nuorat/easkkaálgán dáiddáriid vástesaš bargostipeandda
- 429 máŋggaláhkásaš stipeandda
Čuovvovaš juohkimat leat maŋiduvvon: Olles stipeandajuolludus fágagirjjálašvuođa čálliid jovkui, olles stipeandajuolludus teáhtermielbargiid jovkui, ja vel nuorat/easkkaálgán dáiddáriid vástesaš bargostipeandajuolludus jovkui masa gullet bivnnutkomponisttat. 30 000 ruvdnosaš máŋggaláhkasaš stipeanddaid juolludus neavttáriid ja vávváneavttáriid jovkui lea maiddái maŋiduvvon. Dasto lea 1 dáhkiduvvon sisaboahtu dramatihkáriid jovkui maŋiduvvon.
Stáhta dáiddárstipeanddat jahkái 2010
Stáhta dáhkiduvvon sisaboađut dáiddáriidda jahkái 2010
Stáhta stipeanddat vuorrasat ánssášeaddji dáiddáriidda jahkái 2010