Historjjálaš arkiiva

Bisovaš vuođđohaddi čáppagirjjálašvuođa ja áššeprosa ektui

Historjjálaš arkiiva

Almmustahttináigodat Regjeringen Stoltenberg II

Almmustahtti: Kulturdepartemeanta

Ráđđehus háliida addit bisovaš lobi girjelágádusaide bidjat vuođđohatti čáppagirjjálašvuhtii ja áššeprosai maŋŋel go otná merren nohka juovlamánu 31. b 2010.

Ráđđehus háliida addit bisovaš lobi girjelágádusaide bidjat vuođđohatti čáppagirjjálašvuhtii ja áššeprosai maŋŋel go otná merren nohka juovlamánu 31. b 2010.

- Mii leat dahkan gilvopolitihkalaš ja girjjálašvuođapolitihkalaš meroštallamiid  dan áššis, dadjá kulturministtar Anniken Huitfeldt. – Min mielas vuođđohaddi čáppagirjjálašvuođa ja áššeprosa ektui ovddida girjjálaš viidodaga, ja vuođđohatti vahága gilvo ektui lea gáržžiduvvon.  Vuođđohaddeortnet lea deaŧalaš kulturpolitihkalaš gaskaoapmi got ovddidit norgga kultuvrra ja nannet norgga giela globálalaš valljivuođas. Girjjálašvuođasuorggis vuođđohaddi dagaha ahte girjelágádusat álkibu sáhttet einnostit sisaboađuid ja dát mearkkaša ahte sii sáhttet eambbo namahusaid álmmuhit, dadjá kulturministtar.


Kulturministtar Anniken Huitfeldt, Geir Berdahl ja Randi Øgrey. Govva: Kulturdepartemeanta

Girjesoahpamuš ja vuođđohaddi leat kulturpolitihkalaš gaskaoamit mat leat vuođut go galká mearridit girječállihonorára ja dábálaš šiehtadusaid ja Kulturráđi oastinortnega.

Nubbi oaiveoassi Girjesoahpamušas leat  diŋgonortnegat  girjegávppiid ektui mat dagahit ahte girjjit gávdnojit olles riikkas.


- Internašuvnnalaš oktavuođas norgga girjjálaš  ordnejupmi lea menestuvvan danin go eambbo namahusat almmuhuvvojit min luhtte go eanemus iežá riikkain, dadjá Anniken Huitfeldt.

Ođđasmáhttin-, hálddašan-, ja girkodepartemeanta galgá rievddadit merrema spiehkastaga ektui gilvolága hárrái. Ođđa merren sáddejuvvo gulaskuddamii. Dát galgá áigumuša mielde bistit njeallje jagi ođđajagemánu 1. b. 2010 rájes.