Jagi 2012 lassiárvovearu buhtadusa ohcan álkiduvvo
Historjjálaš arkiiva
Almmustahttináigodat Regjeringen Stoltenberg II
Almmustahtti: Kulturdepartemeanta
Preassadieđáhus | Almmustahtton: 09.03.2012 | Maŋimuš ođasmahttojuvvon: 08.05.2012
Kulturdepartemeanta vuolggaha dál guokte doaibmabiju álkidit organisašuvnnaid lassiárvovearu buhtadusa ohcamiid jahkái 2012.
Kulturdepartemeanta vuolggaha dál guokte doaibmabiju álkidit organisašuvnnaid lassiárvovearu buhtadusa ohcamiid jahkái 2012.
- Ráđđehus cealká Soria Moria II- julggáštusas ahte sii háliidit ovttasdoaibmama álkkásmahttit ja dahkat dan njuovžileabbu almmolaš ja eaktodáhtolaš suorggi gaskka. Dat lea ge justa maid mii dahkat dáid nuppástuhttimiiguin, dadjá kulturministtar Anniken Huitfeldt.
Vuosttažettiin lea mearriduvvon ohcanáigemearri čakčamánnui 1. beaivái vai organisašuvnnain lea dihto áigemearri maid fertejit čuovvut.
Dál lea áigemearri sáddet ohcamušaid borgemánu 15. beaivi ja áigemearri sáddet revišuvdna raportta lea čakčamánu 1. beaivi.
Nubbi lea ahte dál rahppojuvvo vejolašvuohta geavahit gieldarevisora daid oktavuođain láhkaásahus gáibida geavahit dohkkehuvvon revisora.
Organisašuvnnat eai leat ovdal beassan geavahit gieldarevisora. Organisašuvnnat geat geavahit gieldarevisora eai dárbbaš de ođđa revisora, stáhtaautoriserejuvvon dahje registrerejuvvon.