Muitobáccit Suoidnemánu 22.beaivvi oktavuođas

Ráđđehusa nammaduvvon muitobácciid stivrenjoavku lea otne geigen raporttastis Kulturdepartementii.  Stivrenjoavkku mandáhta lei čielggadit ja árvalit muitobácciid Osloi ja Utøyai.

Raporta – girjegillii (pdf.)

 

-Mun háliidan giitit Stivrenjoavkku buori ja vuđolaš rapporta ovddas mii doaibmá nanu vuođđun go ráđđehus dahká mearrádusastis, cealká kulturministtar Anniken Huitfeldt.

Ásaheapmi:

Muitobácciide Oslos árvala stivrenjoavku čuovvovaš báikkiid:

 

1. Nisseberget Slottsparken:s
2. Ráđđehuskvartála

 

Muitobácciide Hole gielddas árvala stivrenjoavku čuovvovaš báikkiid:

 

1. Sørbråten
2. Lauvodden (Veikroa)

 

Árvalusaid vuođuštusat bohtet ovdan Stivrenjoavkku raporttas. 

 

Golut:

Dáiddaprošeavtta ollislaš golut Oslos ja Hole gielddas leat meroštallojuvvon 23,3 miljovnna kruvdnui.

Lassin bohtet vel lágidangolut daid báikkiin maid ráđđehus mearrida.

Viidásat proseassa:

Ráđđehus dat mearrida gosa muitobáccit galget ceggejuvvot.  Stivrenjoavku ávžžuha ahte Kunst i offentlige rom (KORO) vástida muitobácciid dáiddafágalaččat ja čađaheami.  Áigumuš lea bovdet rabas, internašunála ovdagihtii árvvoštallamii dán guovtti našunála muitobácci ektui.  Dasto ávžžuhuvvo  ahte maŋŋil go lágideaddjit leat ovdagihtii árvvoštallojuvvon de galget 20 oassálasti bovdejuvvot gittagilvui.

Muitobácciid almmolaš almmuheapmi galgá čađahuvvot maŋimuš suoidnemánu 22.beaivvi 2015.

Stivrenjoavku:

Åse Kleveland, jođiheaddji
Tonje Brenna, (Ráđđehuskvartála suoidnemánu 22.beaivvi báikkálaš doarjjajoavkkus)
Trond Henry Blattmann (Suoidnemánu 22.beaivvi dáhpáhusaid Našunála doarjjajoavkku stivrajođiheaddji )
Kristin Berge (GOD departemeanttaráđđi)
Ingrid Vad Nilsen (OHD ekspedišuvdnahoavda)