Ođđa juohkinčoavdda
Historjjálaš arkiiva
Almmustahttináigodat Regjeringen Stoltenberg II
Almmustahtti: Kulturdepartemeanta
Preassadieđáhus | Nr: 54/12 | Almmustahtton: 05.07.2012
Ráđđehus árvala ođđa juohkinčoavdaga spealloruđaid oktavuođas dainna lágiin ahte Norsk Tipping AS badjebáhcagis juhkkojuvvo 64 proseantta valáštallandoaimmaide, 18 proseantta kulturdoaimmaide ja 18 proseantta humaniteara ja servodatberošteaddji organisašuvnnaide.
Ráđđehus árvala ođđa juohkinčoavdaga spealloruđaid oktavuođas dainna lágiin ahte Norsk Tipping AS badjebáhcagis juhkkojuvvo 64 proseantta valáštallandoaimmaide, 18 proseantta kulturdoaimmaide ja 18 proseantta humaniteara ja servodatberošteaddji organisašuvnnaide.
-Ráđđehus háliida ahte valáštallan galgá oažžut stuorit oasi Norsk Tipping badjebáhcagis, celkkii kulturministtar Anniken Huitfeldt go son otne ovddidii St.dieđ.26 (2011-2012) Den norske idrettsmodellen (Norgga valáštallanmodealla).
-Resursalassáneapmái lea dárbu sihkkarastit buriid bohtosiid stáhta valáštallanpolitihka oktavuođas. Dát guoská erenoamážit valáštallanrusttegiidda, dajai kulturministtar.
Rievdadusat čađahuvvojit dađistaga jahkásaš bušeahttamearrádusaid bokte. Dat suorgi kultureallimis mii otne oažžu njuolgga spealloruđaid, oažžu dán mearrádusa mielde 50 proseantta eanet doarjaga go rievdadeamit leat ollásit čađahuvvon. Kultuvrralaš skuvlalávka ja mánáid ja nuoraid kulturdoaimmat ruhtaduvvojit spealloruđaiguin.