Ovttamielalašvuohta ásahit davviriikkalaš bálkkašumi mánáide ja nuoraide

Halldor Ásgrimsson, Paavo Arhinmäki, Bjørn Kalsø, Anniken Huitfeldt, Katrin Jakobsdóttir, Uffe Elbæk og Lena Adelsohn Liljeroth. Govva: Kulturdepartemeanta/Ketil Frøland

Davviriikkalaš kulturministerat bargagohtet dál ásahit ođđa, davviriikkalaš bálkkašumi mánáid- ja nuoraidgirjjálašvuhtii.  Ministarat gulahallagohtet Davviriikalaš Ráđiin dan birra mo bálkkašumi galggašii duohtandahkat.

Viđa davviriikkalaš riikka ministarat háliidit nannet ovttasbarggu mánáid- ja nuoraidkultuvrras.  Ministarat leat buohkat politihkalaččat miellasat ásahit  áibbas ođđa, davviriikkalaš mánáid- ja nuoraidgirjjálašvuođa bálkkašumi.

-Davviriikkain lea mis guhkes ja buorre mánáid- ja nuoraidgirjjálašvuođa árbevierru, mas lea alla dássi.  Danne lea positiivalaš go davviriikkaid bargoguoimmit ja mun leat soahpan ásahišgoahtit davviriikkalaš bálkkašumi juste dán girjjálašvuhtii, cealká kulturministtar Anniken Huitfeldt.

-Davviriikkalaš mánáidgirjebálkkašupmi čalmmustahtášii mánáid- ja nuoraidgirjjálašvuođa davviriikkain. Mii leat vásihan ahte eará davviriikkalaš bálkkašumit váikkuhit  dasa ahte davviriikkalaš kultuvra oažžu eanet davviriikkalaš ja internašunála fuomášumi, ja dán galgat mii geavahit buorrin maiddái mánáid- ja nuoraidsuorggis, dadjá Huitfeldt.

Huitfeldt lea dán vahkus čoahkkimis Oslos iežas davviriikkaid bargoguimmiiguin.  Otná čoahkkimis ministarat dorjo nu gohčoduvvon friddjagávpotortnega, gos oaguhuvvon girječállit ožžot orrunsaji dihto davviriikkalaš gávpogiin.

-Friddjagávpotortnet lea erenoamáš gielddalaš doaibma. Mii doarjut ollásit gávpogiid mat leat mielde dán dehálaš cealkinfriddjavuođa prošeavttas. Dát čájeha stuorra beroštumi riektesihkkarvuhtii, solidaritehtii ja ealli demokratiijii, lohká Huitfeldt.

Kulturministariid áššelisttus leai maid kulturárbbi digitaliserendoaibma davviriikkain.  Ministarat deattuhedje man dehálaš dat lea ahte riikkaid arkiivvaid, museaid ja girjerádjosiid vuorkkát leat olámuttos nu ollugiidda go vejolaš.