Gollorámma ođđa Našunálamuseii
Historjjálaš arkiiva
Almmustahttináigodat Regjeringen Stoltenberg II
Almmustahtti: Kulturdepartemeanta
Preassadieđáhus | Nr: 69/13 | Almmustahtton: 06.06.2013 | Maŋimuš ođasmahttojuvvon: 05.07.2013
Stuoradiggi gieđahallá otne eahket árvalusa maid olusat leat dorjon, 5,3 miljárdda kruvdnosaš gollorámma ođđa Našunálamusea huksehussii Vestbanen:s. Dalle lea mearrideaddji vuođđu dahkkon visuála dáidaga váldobáikái Norggas.
Stuoradiggi gieđahallá otne eahket árvalusa maid olusat leat dorjon, 5,3 miljárdda kruvdnosaš gollorámma ođđa Našunálamusea huksehussii Vestbanen:s. Dalle lea mearrideaddji vuođđu dahkkon visuála dáidaga váldobáikái Norggas.
Dát čuovvoluvvo reviderejuvvon našunálabušeahtta árvalusas, mii meannuduvvo Stuoradikkis geassemánu 21.b. Ráđđehus lea árvalan 60 miljovnna kruvnnu álggahandoarjaga nu ahte Statsbygg beassá álggahit bienalaš plánendoaimmaid. Huksenbargu álggahuvvo jahkemolsumis 2013-2014.
-Dát lea dehálaš ja illudahtti beaivi min dáidagii ja kultuvrii, ja buohkaide geat beroštit visuála dáidaga árgabeaivvis Norggas, cealká kulturministtar Hadia Tajik.
-Dát vedjet leat duostilis áigumušat, muhto lea dahku mii lea dehálaš. Dál duohtandahkkojuvvo ođđa Našunálamusea. Dat mielddisbuktá ahte norgga álbmot guđa jagi geažes oažžu erenoamáš báikki gos sii besset vásihit visuála dáidaga. Ja dáidda maid oažžu dakkár ruovttu maid ánssáša. Ođđa Našunálamusea šaddá nu bures go vejolaš musea boahtteáigái, dadjá stáhtaráđđi.
Departemeantta áigumuš lea ahte prošeakta galgá gárvvis 2018-2019.