Aktiver Javascript i din nettleser for en bedre opplevelse på regjeringen.no

Historjjálaš arkiiva

2014 stáhtabušeahtas

Kulturfondii lasihit badjel 50 miljovnna kruvnno

Historjjálaš arkiiva

Almmustahttináigodat Regjeringen Stoltenberg II

Almmustahtti: Kulturdepartemeanta

Lassiruđain sáhttet dál áŋgiruššat buorebut koaraid, lávdedáidaga ja visuála dáiddasuorggi lágideddjiid ovdii.

Lassiruđain sáhttet dál áŋgiruššat buorebut koaraid, lávdedáidaga ja visuála dáiddasuorggi lágideddjiid ovdii.

- Stuorra oassi friija suorggi boađuin boahtá kulturfoanddas. Ja ollu das, mii dahkkojuvvo norgga lávddiin ja norgga kulturviesuin, buvttaduvvo aiddo friija suorggis. Danin nana kulturfoanda lea nu mávssolaš, vai norgga kultureallin doaibmá ealasin. Dál go juksat ulbmila, man mielde proseanta stáhta goluin čatnasa kulturdoaimmaide, de lea áibbas lunddolaš, ahte stuorra oassi lasáhusas juolluduvvo Norgga kulturfondii, kulturministtar Hadia Tajik dadjala.

Ráđđehus árvala lasihit Norgga kulturfoandda 54,2 miljovnnain kruvnnuin 2014 nu ahte dat lea oktiibuot 631,5 miljovnna kruvnno 2014.

Earret eará dáid ulbmiliidda juolludit eanet doarjaga:

  • 7,4 miljovnna oppalaš kulturulbmiliidda, ovdamearkka dihte 5 miljovnna dáiddalanjaide (kulturviesuide)
  • 7,2 miljovnna visuála dáidagii, earret eará visuála dáiddasuorggi lágideddjiide
  • 17,1 miljovnna musihkkasuorggi ortnegiidda, earret eará koarraáŋgiruššamii
  • 16,4 miljovnna lávdedáidaga doarjjaortnegiidda – sihke teáhterii ja dánsumii
Bajás