Aktiver Javascript i din nettleser for en bedre opplevelse på regjeringen.no

Historjjálaš arkiiva

2014 stáhtabušeahtas

Olahan ulbmila eaktodáhtolaš servviid lassiárvodivatbuhtadusain

Historjjálaš arkiiva

Almmustahttináigodat Regjeringen Stoltenberg II

Almmustahtti: Kulturdepartemeanta

Ráđđehus árvala lasihit eaktodáhtolaš servviid lassiárvodivada buhtadusortnega 252 miljovnnain kruvnnuin, nu ahte dat šaddá 1,2 miljárdda kruvnno.

Ráđđehus árvala lasihit eaktodáhtolaš servviid lassiárvodivada buhtadusortnega 252 miljovnnain kruvnnuin, nu ahte dat šaddá 1,2 miljárdda kruvnno.

- Lassiárvodivada buhtadusortnet luvve servviide eanet áiggi eaktodáhtolaš doaimmaide. Mii leat dál olahan ulbmila dássážii viidásamos áŋgiruššamis, mii fátmmasta eaktodáhtolaš suorggi stáhtabušeahta olis, dadjala kulturministtar Hadia Tajik.  

Doarjjaortnet, mas buhtadit eaktodáhtolaš servviid lassiárvodivada, ásahuvvui 2010, ja dalle juolludedje dasa 396 miljovnna kruvnno. 2012 ožžo badjel 16 000 searvvi ja joavkku lassiárvodivatbuhtadusa. Ortnet lea leamaš mávssolaš vuohki buoridit báikkálaš servviid rámmaeavttuid.

Ortnegiin buhtadit eaktodáhtolaš servviid goluin lassiárvodivada, maid sii gártet máksit go ostet gálvvuid ja bálvalusaid. Ortnet lea ovttageardán: Searvvit ohcet buhtadusa, muhto eai dárbbaš raporteret masa dat geavahit ruđa.

 

Bajás