Prošeaktaruđat dan váste ahte rekrutteret eanet vuorrasiid eaktodáhtolaš bargui

Kulturdepartemeanta almmuha 2,4 miljovnna ruvnno prošeaktaruđaid váikkuhan dihte dasa ahte rekrutteret ja movttiidahttit vuorrasiid joatkit eaktodáhtolaš bargguiguin. Eaktodáhtolaš organisašuvnnat ja eaktodáhtolašguovddážat sáhttet ohcat ruđaid.

- Min eaktodáhtolaš vuorrasat lea opmodat maid galgá váldit váras – ja ovdánahttit, dadjá kulturministtar Hadia Tajik.

- Vuorrasat leat sii geat eanemusat servet eaktodáhtolaš bargguide. Mii dárbbašit eanet vuorrasiid – ja mii dárbbašit ahte boahtte buolvva penšunisttat čuvvot dan geainnu. Mii dárbbašit dán eaktodáhtolaččaid joavkku  dusten dihte vuorrasiid logu lassáneami. Ja earenoamážit lea ábolaš mánáide leat oktavuođas eanet ollesolbmuiguin, geain lea áigi ja vásáhusat, dadjá kulturministtar Tajik.

- Penšunisttat oaivvildit eambbo go álbmot ahte lea positiivvalaš go eaktodáhtolaš organisašuvnnat váldet singuin oktavuođa. Sii háliidit doarjut barggu ja sii beroštit dakkár bargguin mas sii besset geavahit iežaset gelbbolašvuođa ja vásáhusaid. Dan resurssa háliidit mii váldit atnui.

Ohcanáigemearri lea borgemánu 1.b.

Liŋka almmuhussii