Ruhtaspealuid ekspeartajoavku

Kulturministtar Hadia Tajik lea vuođđudan suorgerasttideaddji ekspeartajoavkku  árvvoštallat speallosuorggi teknologalaš ovdáneami erenoamážit ođđa mediaid ja ođđa speallofálaldagaid ektui. 

Joavkku mandáhta (pdf. girjegillii)

-Teknologalaš ovdáneapmi manná johtilit. Jos iešguhtetlágan speallofálaldagaid čohkkešii , de daid livčče álkit gávdnat. Ekspeartajoavku áigu rávvet movt mii maid boahtteáiggis oččošeimmet áigái servodatlaš dohkálaš ruhtaspeallomárkana, cealká kulturministtar Hadia Tajik.

Ekspeartajoavku áigu árvvoštallat lea go gustojeaddji láhka doarvái buorre muddet ođđa speallofálaldagaid. Dat galgá maid guorahallat gilvaleami maid norgga ruhtaspeallomárkan vásiha ruhtaspealuid ektui mat eai leat ožžon doaibmalobi Norggas, ja árvalit doaimmaid gáhttet ruhtaspealuid Norggas.

Ekspeartajoavkkus leat mielde 10 miellahtu geat ovddastit norgga ruhtaspeallomárkana ja dihtorspeallo- ja teknologiijasuorggi, lassin Geavaheaddji áittardeaddji ja Mediabearráigeahčču. Lotteriijabearráigeahču direktevra Atle Hamar galgá jođihit joavkku ja ovddidit raportta ovdal juovlamánu 15.b.2014.

Ekspeartajoavkku miellahtut:

Jođiheaddji Atle Hamar

Jørgen Tharaldsen, Artplant                                            

Bente Øverlie, Geavaheaddjiáittardeaddji                     

Torgeir Waterhouse, DGT Norge                                       

Thomas Haugan Hepsø, Mediabearráigeahčču                                  

Carl Fredrik Stenstrøm, Norsk Rikstoto                                    

Jan Peder Strømslid, Norsk Tipping                            

Ingvild Myhre, Rådgiverne AS                                

Anita Fjærem, Technobigo Scandinavia 

Silvija Seres, Teknologiijaráđđi                                 

Rune Mentzoni, Bergen universitehta