2 Sámedikki 2015 rehketdoallu

Mielddus 1 áššái 19/15 Sámedikki 2015 jahkedieđáhus

Jođiheaddjimearkkašumit

Ulbmil

Sámediggi lea organiserejuvvon hálddašanorgánan mas leat sierra fápmudusat bruttofievrrideapmái olggobealde stáhtabušeahta (nettobušeahttadoaimmat). Finánsadepartemeantta johtočállosis R-106 čuožžu ahte Sámediggi:

• Lassin sisaboađuide juolludusas 50-poasttas sáhttá geavahit olggobeale sisaboađuid ollásit doaimma ulbmila várás.

• Oažžu sirdit doaimma jagi bohtosa čuovvovaš bušeahttajahkái. Doaibma geavaha vejolaš positiiva jahkebohtosa ja das lea ovddasvástádus gokčat vejolaš negatiivvalaš jahkebohtosa.

Sámediggi juohká juolludusaid iežas vuoruhemiid mielde, muhto dávistettiin Stuorradikki bušeahttamearrádussii.

Duođaštus

Jahkerehketdoallu lea biddjojuvvon čuovvovačča vuođul:

• Stáhta ekonomiijastivrema njuolggadusat ja mearrádusat.

• Johtočálus 115 «stáhta doaimmaid jahkerehketdoalu ráhkadeapmi ja bidjan»

• Sámedikki ekonomiijahálddašeami njuolggadusat, maid Gielda- ja ođasmahttindepartemeanta lea mearridan.

• Gielda- ja ođasmahttindepartemeantta juolludusreive 2015, mas boahtá ovdan ahte Sámediggi galgá čuovvut dárkilit ođđa gáibádusaid jahkeraportii.

Mun oaivvildan ahte rehketdoallu addá gova Sámedikki juolludusain mat leat geavahusas, rehketdollui fievrriduvvon goluin, sisboađuin, eaiggátosiin ja vealggis.

Deaŧalaš bealit jahkerehketdoalus

Sámedikki bargit ja politihkalaš ráđđeaddit sirdojuvvojedje 2014:s Stáhta penšunkássas jovkui mii ii dárbbaš máksit. Dan botta go Sámediggi vuordá vástádusa Stáhta penšunkássas ja departemeanttas, várrii Sámediggi lahttoruđaid penšuvnna várás jagiide 2014 ja 2015. Dát ruđat leat 2015:s luvvejuvvon ja sirdojuvvon sámediggái.

Investeremat nugo mašiinnaid oastin, inventáraid, dihtoriid ja sullasaččaid oastin leat lassánan 45 % jagi 2014 ektui. Dát lassáneapmi boahtá teknihkalaš reaidduid, kánturdávviriid, dulkarusttegiid, videokonferánssa, latnjagálvvuid oastimis čoahkkinlanjaide, kantuvrraide ja oktasašareálaide ođđa oasis Kárášjogas. Muđui leat investeren dihtoriid, fierpmádatdávviriid ja AV-reaidduid.

Stuorámus investeremat mat leat plánejuvvon 2016:s gullet sámediggeviesu bajásdoallamii, ja leat investeremat ođđa oassái Kárášjogas. Muđui investeret jahkásaččat dihtoriid, serveriid ja eará teknihkalaš reaidduid.

Revišuvdnaortnet

Riikarevišuvdna lea Sámedikki revisora ja duođašta Sámedikki jahkerehketdoalu. Jahkerehketdoallu ii leat gárvvisin reviderejuvvon dán beaivvi nammii, muhto jáhkkit ahte revišuvdnadieđáhus boahtá jagi 2016 nuppi jahkenjealjehasas.

Revišuvdnadieđáhus ii leat almmolaš ovdal go Stuorradiggi lea ožžon Dokumeantta 1 Riikarevišuvnnas, muhto revišuvdnadieđáhus almmuhuvvo Sámedikki neahttasiidduin dalán go dan sáhttá almmuhit virggálaččat.

Kárášjohka, guovvamánu 5. b. 2016

Aili Keskitalo Rune Fjellheim

Presideanta Direktevra

Prinsihppanohta jahkerehketdollui

Sámedikki jahkerehketdoallu lea ráhkaduvvon ja biddjojuvvon lagat njuolggadusaid mielde mat leat mearriduvvon stáhta ekonomiijastivrema mearrádusain (mearrádusat). Jahkerehketdoallu lea biddjojuvvon mearrádusaid čuoggá 3.4 mielde, lagabuidda válddahuvvon Finánsadepartemeantta johtočállosis R-115; čuokkis 6, ja vejolaš lassegáibádusat maid iežas departemeanta lea mearridan.

Jahkerehketdoallu lea ráhkaduvvon «Sámedikki ekonomiijastivrema njuolggadusaid» čuoggá 3.5 vuolggasajis maid Gielda- ja ođasmahttindepartemeanta lea mearridan – Rehketdoalloprinsihppa ja rehketdoalu fievrrideapmi:

• Ovttajagiprinsihppa

• Ollislašvuođaprinsihppa

• Bruttoprinsihppa

Jahkerehketdoallu lea ráhkaduvvon áigodatprinsihpa mielde, spiehkastahkan lea eaiggátosiid aktiveren balánssas ovttasráđiid GOD:in, gč. mearrádusaid čuoggás 3.4.2 ja čuoggás 3.5 «Sámedikki ekonomiijastivrema njuolggadusain».

Čilgehus movt ovttaskas poasttas fievrriduvvojit rehketdollui:

Golut ja sisaboađut

Áigodatjuohkin čađahuvvo posteremiin bohtosis ja balánssas juksan dihte dan ahte áigodaga boađus šattašii riekta. Sisaboađut ja golut girjejuvvojit dan áigodagas/jagis maidda dat gullet, beroškeahttá das goas dat máksojuvvojit.

Juolludus

Sámediggi oažžu oktasaš juolludusreivve Gielda- ja ođasmahttindepartemeanttas, nu ahte juolludusat fievrriduvvojit sisaboahtun juohke ovttaskas departemeanttas sisaboahtokontui, ja mas debetposteren lea Kunddárgáibádusat. Juolludusaid máksima oktavuođas juohke ovttaskas departemeanttas krediterejuvvo kunddárgáibádus ja báŋkokontu debiterejuvvo.

Doarjja

Juolluduvvon doarjja girjejuvvo dan jahkái go dat juolluduvvo gollun debetposteremiin gollukontui ja kreditposteremiin vuovdivealgin. Doarjaga máksima oktavuođas šaddá vuovdivealgekontu debiderejuvvot ja báŋkokontu krediterejuvvot.

Juolludusraporterema listemis leat mielde bajit oassi juolludusraporteremis ja vuolit oassi mii čájeha doaimma rádjoruđaid mat leat fievrriduvvon kapitálarehketdollui.

Juolludusraporterema listen lea ráhkaduvvon daid seamma prinsihpaid mielde go jahkerehketdoalus. Prinsihpat dávistit gáibádusaide mat leat mearrádusain čuoggás 3.5 dan birra movt doaimmat galget raporteret stáhtarehketdollui. Submilinnjá «netto raporterejuvvon juolludusrehketdollui» lea ovttalágan goappašiin listemiin.

Boađusrehketdoallu

Balánsa

Nohtat jahkerehketdollui

Nohta 1 Doaibmaboađut

Nohta 2 Bálká ja sosiála golut

Sámedikki bargit ja politihkalaš ráđđeaddit sirdojuvvojedje 2014:s dáhkádusmávssu mávssekeahtes jovkui Stáhta penšunkássas. Dat mearkkaša ahte SPK ii šat fakturere miellahttomávssu. Vuorddidettiin čielggadusa Stáhta penšunkássas ja departemeanttas lea Sámediggi várren penšuvnna miellahttomávssu 2014 balánsii ja joatkán dan várret 2015:s. 2015:s oaččui Sámediggi vástádussan departemeanttas ahte dat mii lea várrejuvvon jagiin 2014 ja 2015 sáhttá luvvejuvvot ja sirdojuvvot Sámedikki doibmii nettobušeterejuvvon doaimmaid rámmaid siskkobealde.

2014 várrejuvvon ruđat penšuvdnii oanehisáigge vealggi vuolde lea girjejuvvon juolludusruhtaduvvon doaimma rehkenastima ektui. Viidáseappot leat várrejuvvon ruđat 2015:s penšuvdnii guhkesáigge vealgin, mii lea nullejuvvon ja sisaboahtun fievrriduvvon doibmii.

Doaibma máksá penšunmávssu Sámedikki ollesáiggepolitihkkáriid várás. Sámediggi máksá penšunmávssu ja bargoaddioasi Stáhta penšunkássii (SPK) ollesáiggepolitihkkáriid várás ja golu gokčet doaimma juolludusat. Penšuvnnat leat gollun fievrriduvvon 2015 máksomeriid vuođul geardduhuvvon čoagganan penšunvuođuin doaimmas.

Nohta 3 Eará doaibmagollut

Nohta 4 Finánsaboađut ja finánsagolut

Nohta 5 Doarjjahálddašeapmi ja eará sirdimat stáhtas

Nohta 6 Ossosiid ja osiid investeren

Nohta 7 Oastigáibádusat

Nohta 8 Eará oanehisáigge gáibádusat

Nohta 9 Báŋkobijut, reaidoruhta ja sullasaččat

Nohta 10 Sestojuvvon reanttut Sámeálbmotfoanddas

Nohta 11 Juolludusat, doarjagat ja sirdimat mat eai leat fievrriduvvon boahtun

Nohta 12 Sajušteapmi sámediggivistti bajásdoallamii

Sámediggi eaiggáduššá sámediggevistti Kárášjogas. Sámedikkis lea ovddasvástádus goluin mat gullet oktilaš bajásdoallamii ja eanet guhkesáiggi bajásdoallandoaimmaide. Plánejuvvon bajásdoallan dagaha dan ahte áiggi mielde unnot bajásdoallangolut.

Dan geažil go Sámediggi stáhtaásahussan lea ieš dáhkideaddji, de dat ferte lassin plánejuvvon bajásdoallamii várret ruđaid divodemiide maid earret eará čáhcevahágat dahje bilideamit dagahit. Danne ferte Sámediggi jagiid čađa várret ruđaid maid sáhttá geavahit stuorát bajásdoallamii dahje divvumiidda maid ferte dahkat. Jagiid čađa ferte várret ruđaid gártadan dihte doarvái ruđaid bajásdoallamii mas lea dohkálaš dássi. Jagi 2008 rájes leat várrejuvvon ruđat liige bajásdoallan- ja divvungoluide.

2015 várás lea vistti bajásdoallan álggahuvvon ja danne lea geavahuvvon 414 000 ru várrejuvvon ruđain 2015:s.

Nohta 13 Vealgi doarjjahálddašeami oktavuođas

Nohta 14 Rehkenastin juolludusruhtaduvvon doaimmain

Juolludanraporteren

Juolludusraporteremis oidnojit dat rehketdoallologut maid Sámediggi lea raporteren stáhtarehketdollui. Dat biddjojuvvojit daid juolludusrehketdoalu kapihttaliid ja poasttaid mielde maidda Sámediggi lea ožžon fápmudusa hálddašit. Das oidnojit buot ruđalaš opmodagat ja geatnegasvuođat mat Sámediggái leat biddjojuvvon stáhta kapitálarehketdoalus. Kolonnas juolludus oktiibuot oidno maid Sámediggi lea ožžon geavahussii juolludusreivves juohke buohtalas kapihttalii/postii.

Juolludusraporterema bidjamis lea mielde bajit oassi mii čájeha mii lea raporterejuvvon stáhtarehketdoalu likviditehtaraporttas. Likviditehtaraporttas oidno doaimma sáldo ja likviditehtalihkadusat ruhtageavahančilgehuskontos Norgga Báŋkkus.

Rádjoruđat mat leat raporterejuvvon kapitálarehketdollui logahallama vuolit oasis, čájehit buot ruđalaš opmodagaid ja geatnegasvuođaid mat doibmii leat biddjojuvvon stáhta kapitálarehketdoalus.

Juolludusraporterema bardin