Sámediggái válljejuvvojit lahtut ja várrelahtut čuovvovaš válgabiirriin:

• 1. Nuortaguovllu válgabiire/Østre valgkrets: Mátta-Várjjaga, Unjárgga, Čáhcesullo, Várggáid, Báhcavuona, Deanu, Bearalvági, Davvesiidda ja Gáŋgaviikka gielddat Romssa ja Finnmárkku fylkkas

• 2. Ávjovári válgabiire/Ávjovári valgkrets: Kárášjoga ja Porsáŋggu gielddat ja Guovdageainnu suohkan Romssa ja Finnmárkku fylkkas

• 3. Davveguovllu válgabiire/Nordre valgkrets: Davvisiidda ja Muosáid gielddat, Hámmerfeastta, Álttá, Ákŋoluovtta, Láhpi, Skiervvá, Návuona ja Ráissa suohkanat Romssa jaFinnmárkku fylkkas

• 4. Gáiseguovllu válgabiire/Gáisi valgkrets: Gáivuona, Omasvuona, Ivgu, Gálssa, Romssa, Báhccavuona, Málatvuomi, Beardu, Sáččá ja Ráisavuona suohkanat Romssa ja Finnmárkku fylkkas

• 5. Viestarmera válggabijrra/Viesttarmeara válgabiire/Vesthavet valgkrets: Divrráid, Siellaga, Loabága, Rivttága, Dielddanuori, Ivvárstádiid, Hársttáid ja Giehtavuona suohkanat Romssa ja Finnmárkku fylkkas ja suohkanat Sáláda, Bájddára ja Meløy rájes ja davás Nordlándda fylkkas

• 6. Åarjel-Saepmie veeljemegievlie/Sørsamisk valgkrets: Nordlándda fylkka suohkanat Ruovada ja Raavta rájes máttás, Trööndelage fylka, Surnadal ja Sunndal suohkanat Møre ja Romsdal fylkkas ja Eengerdaelie, Rendalen, Os, Tolga, Tynset ja Folldal suohkanat Innlandet fylkkas

• 7. Lulli-Norgga válgabiire: dat suohkanat Møre ja Romsdal ja Innlandet fylkkain, mat eai gula válgabiirii 6, ja fylkkat Vestland, Rogaland, Agder, Vestfold ja Telemark, Viken ja Oslo.

Sámediggái galget válljejuvvot 39 áirasa. Guhtege válgabiirii juhkkojuvvojit vuos guokte áirasa. Dasto juhkkojuvvojit loahpat 25 áirasa gorálaččat válgabiirriid gaskkas jienastuslogu vuođul dan juohkinvuogi mielde, mii lea mearriduvvon válgalága § 11-3 goalmmát lađđasis. Lulli-Norgga válgabiirii ii galgga dattetge juohkit eanet áirasiid, go maid válgabiire livččii ožžon, jos buot 39 áirasa livčče juhkkojuvvon gorálaččat válgabiirriid gaskka.

Gonagas mearrida láhkaásahusain dárkilut njuolggadusaid áirrasjuogu ja evttohasaid válljema birra.