St.dieđ. nr. 44 (2004-2005)

Sámedikki doaibma 2004

Sisdollui

1 Álgu

Sámediggi lea ovddidan iežaset jahkedieđáhusa departementii Sámedikki 2004’ doaimmaid birra. Jahkedieđáhusas čilgejuvvo Sámedikki politihkalaš doaibma, barggut maid Sámediggi galgá hálddašit, ja ekonomalaš ja hálddahuslaš hástalusat.

Sámelága mielde galgá Sámedikki jahkedieđáhus sáddejuvvot Ráđđehussii ja ovddiduvvot Stuoradiggái juohke jagi, gč. justiisalávdegotti árvalusa sámelága mearrádusaid birra (O.nr. 79 (1986–87)). Dát dieđáhus ollašuhttá daid eavttuid.

Dáinna stuoradiggedieđáhusain vástida Ráđđehus gažaldagaid maid Sámediggi ovddidii 2004’ jahkedieđáhusas. Jahkedieđáhusas čilgejuvvo maiddái movt áššit čuovvoluvvojit ja jotkojuvvojit. Sámedikki jahkedieđáhus lea 2. kapihttalin dán dieđáhusas.

Sámedikki 2004’ rehketdoallu lea dán dieđáhusa mielddusin.

"Áššemeannudeapmái/ovdasiidui"