Lågare arbeidsløyse i juli

Månedstal frå NAV viser at talet på registrerte arbeidslause gjekk ned med 480 personar frå juni til juli, korrigert for normale sesongvariasjonar.
– Det er gledelig at vi nå har fall i arbeidsløysa for tredje månaden på rad, uttalar arbeidsminister Hanne Bjurstrøm.

– Med svak vekst i økonomien og moderat etterspørsel etter arbeidskraft er det framleis uvisse om utviklinga i arbeidsløysa framover, held statsråden fram.

Ved utgangen av juli var det 78 242 heilt arbeidslause. Dette utgjer 3,0 prosent av arbeidsstyrken. I juli har 52 prosent av dei registrerte arbeidslause vore arbeidssøkjarar ut over seks månader. Dette er 8 prosentpoeng høgre enn på same tid i fjor.

– Eg er uroa over at langtidsarbeidsløysa aukar. Dette viser at det er naudsynt med full merksemd på alle forhold som påverkar sysselsetjinga, og særleg tiltak for langtidsledige, seier arbeidsministeren.