Ny standard for klimaspor for sjømat
Historisk arkiv
Publisert under: Regjeringen Stoltenberg II
Utgjevar: Fiskeri- og kystdepartementet
Nyheit | Dato: 18.06.2013 | Sist oppdatert: 19.06.2013
Fiskeri- og kystdepartementet og Standard Norge lanserer ein ny Norsk Standard for klimaspor for sjømat (NS 9418).
Administrerende direktør i Standard Norge, Trine Tveter og statssekretær Hugo Bjørnstad
Foto: Standard Norge/Yvonne Haugen
Fiskeri- og kystdepartementet og Standard Norge lanserer ein ny Norsk Standard for klimaspor for sjømat (NS 9418).
- Eg er glad for at norsk sjømatnæring får ein felles standard for å måle klimaspor for sjømat. Noreg leverer 36 millionar sjømatmåltid kvar dag til kvalitets- og klimamedvitne forbrukarar, og det at vi har fått ein felles mal for å berekne klimaspor er positivt for både næringa og forbrukarane, seier statssekretær Hugo Bjørnstad.
Den nye standarden Klimaspor for sjømat viser fagleg korrekte metodar for å fastslå storleikenpå klimaspor til sjømatprodukt. Standard Norge vil fremme eit forslag til den internasjonale standard organisasjonen ISO om å få standarden inn som eit grunnlag for internasjonalt standardiseringsarbeid. Om standarden blir eit ISO kan ein få ein felles internasjonal standard for klimavennleg sjømat.