Auka tilskot til Senter for idrettsskadeforsking
Historisk arkiv
Publisert under: Regjeringen Stoltenberg II
Utgiver: Kultur- og kirkedepartementet
Pressemelding | Nr: 75/08 | Dato: 18.06.2008
Kultur- og kyrkjedepartementet aukar tilskotet til Senter for idrettsskadeforsking ved Noregs idrettshøgskole med 500 000 kroner. Det samla tilskotet til Senter for idrettsskadeforsking kjem opp i 3 millionar kroner i 2008.
Kultur- og kyrkjedepartementet aukar tilskotet til Senter for idrettsskadeforsking ved Noregs idrettshøgskole med 500 000 kroner. Det samla tilskotet til Senter for idrettsskadeforsking kjem opp i 3 millionar kroner i 2008.
– Departementet ønskjer å bidra til å styrkje forskinga på område der idretten har særskilde utfordringar, og der det er behov for meir kunnskap og kompetanse, seier kultur- og kyrkjeminister Trond Giske.
I første omgang vil det bli sett i gang prosjekt for å motverke brå hjartedød, spisevegring og til prosjekt om mononukleose (kyssesjuke) og fysisk aktivitet. På desse områda er det særskilt behov for forsking for å forstå og motverke helseproblem ved utøving av idrettsaktivitet.
Formidling av kunnskap til brukarane er viktig. Kulturdepartementet har difor auka støtta til dette arbeidet. Sidan senteret vart oppretta i 2000, har Kultur- og kyrkjedepartementet gitt ei årleg grunnstøtte til den langsiktige forskinga ved senteret for å motverke idrettsskadar.