Mat og kulturlandskap: 120 000 kroner til nye Streif

Mat og kulturlandskap: Landbruks- og matdepartementet (LMD) tildeler til saman kr 120 000 til åtte Streif i 2007.  Arrangementene er vinkla på kulturlandskapsbasert næringsutvikling og verdiskaping, opplevingsturisme og reiseliv.

Kulturlandskap
I jubileumsåret 2005 var Streif det mest omfattande av fem prosjekt i Landbruks- og matdepartementet si hundreårsmarkering av unionsoppløysinga. Departementet vidareførte støtte til enkelte Streif-arrangement i 2006. Også i 2007 har departementet i brev til fylkesmennene oppmoda om søknader knytt til Streif-arrangement. LMD ser det som svært viktig å ivareta kulturlandskapet i bygdene. Departementet sine kriterium for tildeling av Streif-midlar er difor sterkt knytt opp mot at arrangement skal ha eit fokus på kulturlandskapsbasert næringsutvikling og verdiskaping, til dømes knytt opp mot opplevingsturisme og reiseliv.

Seterdagen på Valsetra 29. juli
Seterdagen på Vallen får tildelt 20 000 kr til gjennomføring av Seterdag på Valsetra. Seterdagen har vore arrangert sidan 2003, og kan syne til store besøkstal kvart år. Fylkesmannens landbruksavdeling i Oppland peikar i si anbefaling til LMD på at gjestane vil få ein smakebit på seterhistoria, og kva seterdrift har betydd både for kulturlandskapet og for utvikling av matkulturen. Landbruks- og matdepartementet har også merka seg den store dugnadsinnsatsen som vert lagt ned av setereigarane i dette arrangementet, og ynskjer å oppmuntre vidare til eit auka samarbeid mellom aktører i landbruks-, kulturlivs- og reiselivsbransjen. Departementet vonar elles arrangementet kan vere eit viktig bidrag til å vise fram seterområda i Midt-Gudbrandsdalen og området sine ressursar knytt til landbruksbasert verdiskaping, opplevingsturisme og reiseliv.

Skog-streif i nærområdet til Hamar 23. august
Fylkesmannen i Hedmark får tildelt 20 000 kr til gjennomføring av Skog-Streif i nær-området til Hamar. I søknaden vert det peika på at Streifet vil fokusere på å fremje skogbruket gjennom både demonstrasjon av arbeidsmetodar og treslag, samt orientering om miljøomsyn i skogbruket, tilrettelegging for friluftsliv, bioenergi og kulturminne. Landbruks- og matdepartementet ser svært positivt på at skogbruket sine verdiar knytt til næringsutvikling og verdiskaping kjem fram gjennom eit slikt arrangement.

Fire kunnskaps-Streif i Mjøslandskapet
Hamarregionen Utvikling får tildelt 40 000 kr til gjennomføring av fire kunnskapsStreif i Mjøslandskapet. Dei fire planlagde Streifa har tema relatert til landbruk og kulturarvsbasert næring. Fylkesmannens landbruksavdeling i Hedmark peikar i si anbefaling til LMD særskilt på potensialet for auka verdiskaping og næringsutvikling som ligg i tilknyting til landbruket sine kulturminne, og behovet for eit auka medvit kring desse verdiane hjå eigarar og ålmenta. Arrangementa rettar seg mot både grunnleigarar, næringsliv, offentleg forvaltning, reiselivet, den interesserte ålmenta og til forvaltarar og eigarar av verneverdige bygg. Landbruks- og matdepartementet ser positivt på eit slikt tiltak som både bidreg til kompetanseheving og nettverksbygging i Mjøsregionen kring landbruk og kulturarvsbasert næring, samstundes som dei utvalde tema for Streif-arrangementa også har brei nasjonal relevans.

Solund-Streif 2. september
Solund kommune, Hågøy villsaulag og Solund Sogelag får tildelt 30 000 kr til gjennomføring av Solund-Streif. Streifet i Solund er lagt opp som ei vandring i kystkulturlandskapet, der deltakarane vil få innsikt i samanhengen mellom landskapet og tradisjonell landbruksdrift, lokal kulturhistorie og mattradisjonar. Fylkesmannen i Sogn og Fjordane peikar i si tilråding av søknaden på at arrangementet vil medverke til auka medvit kring verdien av kulturlandskapet og samanhengen mellom dette og lokal matproduksjon og verdiskaping. Landbruks- og matdepartementet ser også svært positivt på at arrangementet vert organisert gjennom eit samarbeid mellom landbruksnæringa, kommunen og lokale kulturinstitusjonar.

Seter-Streif i Vangrøftdalen 15. juli
Fjellfølge AS får tildelt kr 10 000 kr til gjennomføring av Seterstreif i Vangrøftdalen. Seterstreifet vert arrangert for tredje år på rad. Fylkesmannens landbruksavdeling i Hedmark peikar i si anbefaling til LMD på at arrangementet vil på ein god måte syne fram nokre av dei positive sidene ved norsk landbruk, norsk setekultur og setertradisjon. Landbruks- og matdepartementet ser også positivt på det planlagde samarbeidet med musea i Nord-Østerdal. Departementet vonar elles arrangementet kan vere eit viktig bidrag til å synleggjere seterområda i Nord-Østerdalen og området sine ressursar knytt til landbruksbasert verdiskaping, opplevingsturisme og reiseliv.

 Tidlegere tildelinger til Streif i 2007 fra Landbruks- og matdepartementet:

• 100 000 kroner til Fylkesmannen i Hordaland for gjennomføring av ti ulike Streif i Hordaland
• 55 000 kroner til Landbruksdagen i Valdres 2007

Som ein føresetnad for alle tildelingane vektlegg departementet at det skal vere mogleg for andre fylker og kommunar å dra nytte av dei erfaringane som vert hausta gjennom satsinga på Streif-arrangement.

I jubileumsåret 2005 var Streif eitt av fem prosjekter i Landbruks- og matdepartementet si hundreårsmarkering av unionsoppløyninga. Streif skulle blant anna gje:

• forsterka glede og stolthet over kulturlandskap som kjelde til aktivitet, rekreasjon og oppleving
• auka bevissthet om verdien av lokal produksjon av mat og om samanhengen mellom lokal mat og kulturlandskap
• kunnskap om endringar i kulturlandskapet de siste 100 år, og om kva som har ført til disse endringane
• bevisstgjøring om utfordringane som knytt seg til vedlikehald av kulturlandskapet.
  
• Meir om Streif hos Landbruks- og matdepartementet

Mat og kulturlandskap: Landbruks- og matdepartementet (LMD) tildeler til saman kr 120 000 til 8 Streif i 2007.