Pressestipend for reise til Sudan

Utanriksdepartementet lyser ut pressestipend i samband med miljø- og utviklingsminister Erik Solheim si reise til Sudan i september.

Søknadsfrist for pressestipendet er mandag 2. august 2010.

Solheim skal besøke både Nord- og Sør-Sudan. Formålet med besøket er å understreka partane sitt ansvar for å følgje opp fredsavtalen og understreke Noregs aktive rolle og engasjement.

Les meir om reisa her.

Sjå film om Noregs innsats i Sudan her.

For å stimulere til kunnskap og debatt om norsk utviklingssamarbeid lyser Utanriksdepartementet ut inntil tre stipend på inntil 15.000 kroner. Journalistar som ynskjer å delta på heile eller delar av reisa kan søke. Det vil verte krav om rekneskapsoversikt, samt kopi/lenkjer til publisert materiale. Sjå retningslinjene Utanriksdepartementet har for pressestipend. 

Send kort søknad med bakgrunn om søkjar og planlagde kanalar for publisering elektronisk til post@mfa.no. Merk e-posten «Journaliststipend» og stil til:

Utanriksdepartementet
Avdeling for regionale spørsmål og utvikling
Seksjon for etatsstyring, budsjett og forvaltning
PB 8114 Dep.
0032 Oslo

Pressekontakt: Informasjonsrådgivar Ragnhild H. Simenstad, e-post: rhs@mfa.no, mobil 917 17 459. 

 ***

 

Pressemeldingar og nyhende om bistand og utvikling skal vere lett å lese. Solheims rådgivarar brukar Liks til å teste kor enkle tekstar er å lese. Teksten du les no har ein verdi på 38. Det er det same som i vekeblad. Les meir om kampen for eit enklare språk i staten hos Klarspråk.no.