Riikaantikvára

Riikaantikvára (RA) lea kulturmuitohálddašeami direktoráhta ja Birasgáhttendepartemeantta ráđđeaddi ja doaibmi fágaásahus kulturmuittuid ja kulturbirrasiid hálddašeamis. RA:s lea ovddasvástádus addit fágalaš veahki departemeantta kulturmuitobargui, mii lea intergrerejun bargu birasgáhttenpolitihkas.

RA:s lea maid ráđđeaddi doaibma eará almmolaš hálddahusaide, álbmogii ja ealáhusaide. Dakkár áššiin gos RA:s lea váldi sierralága mielde, galget sihke kulturmuitofágalaš  ja eará servodatlaš beroštumit biddjojuvvot vuođđun mearrádusaide.  

RA:s lea ovddasvástádus das ahte stádalaš kulturmuitopolitihkka čađahuvvo, go das lea dán oktavuođas bajemus ovddavástádus fylkkagielddaid, hálddašanvuorkkáid, Áššeolbmá ja Sámi kulturmuitoráđi bargui go juo leat guovllu kulturmuitoeiseválddit. RA galgá čađahit heivehan- ja movttidahttindoaimmaid ja daid bokte leat veahkkin dasa ahte gielddat váldet dárbbašlaš ovddasvástádusa kulturmuittuide ja kulturbirrasiidda, mat lea deaŧálaš oasit ja riggodagat iežaset birrasiin.

RA galgá sihkkarastit kulturmuittuid ja kulturbirrasiid deaŧálaš diehtovásáhus-, ja geavahanárvvuid, ja de vel galgá addit eavttuid nana luonddu- ja kulturmuitoriggodagaide dakkár servodagas mii dađistaga rievdá. Mihttomearrin ferte leat ahte rievdadusat galget dáhpáhuvvat dainna lágiin ahte unnimusat láhppojit kulturmuitoárvvut.

Váldostrategiijjat das go galgá olahit mihttomeriid leat:

• sihkkarastit ahte kulturmuittut ja kulturbirrasat geavahuvvojit ja hálddašuvvojit dainna lágiin ahte árvvut seailluhuvvojit ja aktiviserejuvvojit nana ovdánahttima dihte
• fuolahit ahte kulturmuittut ja kulturbirrasat, main váldet vára, lea stuora geográfalaš, sosiálala, čearddalaš ja áiggi ektui girjáivuohta
• sihkkarastit ahte kulturmuittut ja kulturbirrasat addet eavttuid das movt adnojit areálat ja movt hábmejuvvojit báikkit ja áigeguovdilis rusttet-, ođastan- ja stuoridandoaimmat
• oasálastit gaskariikkalaš ovttasbargui vai lea veahkkin sihkkarastime kultuvrralaš vuoigatvuođaid, lonohallat dieđuid ja ásahit kulturmuitosuodjaleami, mii galgá leat deaŧálaš oassin sektorrasttideaddji birasgáhttemis.

Neahttasiidu: http://www.ra.no/