7 Saker til orientering

Grøne vekstlån

Grøne vekstlån blei etablert i 2022 med ei ramme på inntil 600 mill. kroner under innovasjonslåneordninga til Innovasjon Noreg. Ordninga var då avgrensa til å omfatte prosjekt som direkte bidrar til å realisere Noreg sin forplikting om 55 pst. reduksjon av klimautslepp innan 2030 (miljømål 1 i EU sin taksonomi for berekraftige aktivitetar, «begrense klimaendringene»). I 2023 blei ordninga utvida til å omfatte alle miljømåla i EU sin taksonomi (tilsvarande Det europeiske investeringsfondet (EIF) sitt Sustainability Portfolio Guarantee Product).

I 2023 er inntil 900 mill. kroner av ramma for innovasjonslåneordninga atterholdt Grøne vekstlån. Per 2. tertial 2023 var det innvilga 124 mill. kroner under ordninga, fordelt på sju lån.