1 Innleiing

Arbeidsdepartementet legg med dette fram forslag til endringar i:

• Lov 28. februar 1997 nr. 19 om folketrygd (folketrygdloven)

• Lov 6. mai 1988 nr. 22 om lønnsplikt under permittering

• Lov 17. juni 2005 nr. 62 om arbeidsmiljø, arbeidstid og stillingsvern mv. (arbeidsmiljøloven)

• Lov 16. juni 2006 nr. 20 om arbeids- og velferdsforvaltningen (arbeids- og velferdsforvaltningsloven)

Som følgje av at reglane om førebels uførepensjon blir oppheva, er det nødvendig å gjere endringar i følgjande lover:

• Lov 13. desember 1946 nr. 21 om krigspensjonering for militærpersoner

• Lov 13. desember 1946 nr. 22 om krigspensjonering for hjemmestyrkepersonell og sivilpersoner

• Lov 3. desember 1948 nr. 7 om pensjonstrygd for sjømenn

• Lov 28. juni 1957 nr. 12 om pensjonstrygd for fiskere

• Lov 6. juli 1957 nr. 26 om samordning av pensjons- og trygdeytelser

• Lov 12. desember 1958 nr. 10 om yrkesskadetrygd

• Lov 26. mars 1999 nr. 14 om skatt av formue og inntekt (skatteloven)

• Lov 19. februar 2010 nr. 5 om statstilskott til arbeidstakere som tar ut avtalefestet pensjon i privat sektor (AFP-tilskottsloven)

• Lov 25. juni 2010 nr. 28 om avtalefestet pensjon for medlemmer av Statens pensjonskasse

I proposisjonen blir desse endringane foreslåtte på bakgrunn av budsjettforslag for 2012:

• skjerping av aktivitetskravet for einsleg mor eller far som får overgangsstønad frå folketrygda, slik at aktivitetskravet skal gjelda frå det yngste barnet fyller eitt år (punkt 2).

• arbeidsgivarar sin lønnspliktperiode under permittering blir auka frå 5 til 10 dagar for permitterte som har fått redusert arbeidstida si med minst 40 prosent (punkt 3).

• ny føresegn i arbeidsmiljølova som gir heimel til å gi forskrift om offentleg godkjenningsordning i reinhaldsbransjen (punkt 4).

Det blir vidare foreslått:

• at Kongen i forskrift kan fastsetje verknadstidspunktet for endringa i kravet til minsteinntekt for rett til dagpengar under arbeidsløyse som følgje av endringar i grunnbeløpet (punkt 5).

• at reglane om rett til sjukepengar for personar som er for unge til å ha pensjonsgivande inntekt blir oppheva som følgje av at nedre aldersgrense for pensjonsgivande inntekt blei senka frå 17 til 13 år frå 2010 (punkt 6).

• at regelen om førebels uførepensjon etter folketrygdlova § 12-16 blir oppheva som følgje av at regelen er overflødig ettersom ein kan få rett til arbeidsavklaringspengar i ventetid på uførepensjon etter folketrygdlova § 11-13 andre ledd bokstav c (punkt 7.7).

Det blir i tillegg foreslått enkelte lovtekniske justeringar, presiseringar og opprettingar i folketrygdlova og arbeids- og velferdsforvaltningslova (punkt 7).