Deanu čázádaga ođđa guolástanvuoigatvuođaláhka

Almmustahttináigodat Solberga ráđđehus

Almmustahtti: Dálkkádat- ja birasdepartemeanta

Ráđđehus árvala ásahit Deanu čázádahkii ođđa guolástanvuoigatvuođalága. Ođđa Deanuláhka ođasmahttá ja doalaha osiid 1888 Deanulágas.

Ráđđehus árvala ásahit Deanu čázádahkii ođđa guolástanvuoigatvuođalága. Ođđa Deanuláhka ođasmahttá ja doalaha osiid 1888 Deanulágas.

- Lea buorre, ahte mii dál oažžut ođđa ja ođasmahttojuvvon Deanulága 2014, ja lean hui movtta das ahte mii dál lágain nannet báikkálaččaid šlivgunvuoigatvuođa, dálkkádat- ja birasministtar Tine Sundtoft dadjala.

Deanu čázádaga guolástanvuoigatvuođat earránit eará čázádagaid vuoigatvuođadiliin dan dáfus, ahte báikkálaččain leat erenoamáš guolástanvuoigatvuođat Deanu čázádagas. Ođđa Deanulága ulbmil lea sihkkarastit erenoamáš vuoigatvuođaid. Láhkaárvalus mielddisbuktá earret eará, ahte eavttut, maid vuođul olbmos lea guolástanvuoigatvuohta, bohtet ollásit ovdan lágas. Maiddái báikkálaččaid šlivgunvuoigatvuohta nannejuvvo lágas. Láhkaárvalus mielddisbuktá, ahte boares Deanulága sisdoallu doalahuvvo ja ođasmahttojuvvo.