Ráđđehus

Ráđđehus-sátni geavahuvvo beaivválaččat guovtti áddejumis; olles ráđđehus čoahkis Gonagasa jođiheami vuolde stáhtaráđđečoahkkimis, ja olles ráđđehus čoahkis stáhtaministara jođiheami vuolde ráđđehuskonferánssas. Dán siiddus gávnnat earret eará dieđuid otná ráđđehusa ja ovddit ráđđehusaid birra.

Støre ráđđehus

Jonas Gahr Støre ráđđehus nammaduvvui stáhtaráđis golggotmánu 14.b. 2021.

Norga stivrejuvvo dáinna lágiin

Norga lea monarkiija mas lea láhkaaddi ja juolludeaddji váldi: Stuoradiggi, čađaheaddji váldi: Ráđđehus, ja dubmejeaddji váldi: Duopmostuolut.