30 ođđa vuovdeguovllu leat otne suodjaluvvon

Ráđđehus suodjala 30 ođđa vuovddi. Suodjalanareála lea sullii 76 km2, mas sullii 48 km2 lea buvttadeaddji vuovdi. Vuovdeguovllut leat ásahuvvon eaktodáhtolaš suodjalanbarggu oktavuođas.

Ráđđehus suodjala 30 ođđa vuovddi. Suodjalanareála lea sullii 76 km2, mas sullii 48 km2 lea buvttadeaddji vuovdi.  Vuovdeguovllut leat ásahuvvon eaktodáhtolaš suodjalanbarggu oktavuođas.

-Otná beaivi lea dehálaš norgga luonddušláddjivuhtii. Guovllut mat dál leat suodjaluvvon galget sihkkarastit dehálaš eallinguovlluid áitojuvvon šlájaide, cealká dálkkádat- ja birasministtar Tine Sundtoft.

Norgga rukseslisttus 2010 leat olles 50 proseantta áitojuvvon šlájat mat ellet vuvddiin. Vuovdeguovlluid suodjaleapmi galgá várjalit áitojuvvon šlájaid ja luondduhámiid norgga vuvddiin ja váikkuhit dasa ahte ovddasteaddji vuovddit suodjaluvvojit. Norggas gávdnojit olu iešguđetlágan hápmásaš vuovddit, mat hárve gávdnojit eará riikkain.      

-Ráđđehus lasihii jagi 2014 doarjagiid eaktodáhtolaš vuovdesuodjaleapmái 100 miljovnna kruvnnuin diimmá ektui. Mii vuoruhat luonddušláddjivuođabarggu, ja vuovdesuodjaleapmi lea dehálaš váikkuhangaskaoapmi dan sivas go sullii bealli min áitojuvvon šlájain ellet vuovddis, dadjá Sundtoft.

Beroštupmi eaktodáhtolaš vuovdesuodjaleapmái lea sakka lassánan daid maŋimuš jagiid, ja olu guovlluin leat dál suodjalandoaimmat jođus. 2014 plánejuvvo suodjalit vel eanet eaktodáhtolaš suodjalanguovlluid, lassin dehálaš stáhta vuovdeguovlluid. Dán rádjai lea lagabui 2,6 proseantta  buvttadeaddji vuovddis Norggas suodjaluvvon.

 

-Ráđđehusas lea čielga oaidnu ahte mii galgat nannet eaktodáhtolaš vuovdesuodjalanbarggu. Mun lean ilus go dehálaš vuovdesuodjalanbargu dál bures lea boahtán johtui. Mii plánet juo 2014 suodjalit ain eanet eaktodáhtolaš guovlluid ja dehálaš vuovdeguovlluid maid stáhta eaiggáduššá, cealká dálkkádat- ja birasministtar Tine Sundtoft.

Guovllut mat dál leat suodjaluvvon:

  1. Mikkelsberget luonddumeahcci, Grue gielda, Hedemárkku fylka
  2. Odnesberga luonddumeahcci, Søndre Land gielda, Oppland fylka
  3. Løftlia luonddumeahcci, Rana gielda, Nordlándda fylka
  4. Renålia luonddumeahcci, Selbu gielda, Lulli-Trøndelága fylka
  5. Brenslefjellet luonddumeahcci, Molde ja Nesset gielddat, Møre ja Romsdal fylka
  6. Eidsfjellet luonddumeahcci (viiddiduvvon), Våler ja Åsnes gielddat, Hedemárkku fylka
  7. Hanestadvola luonddumeahcci, Rendalen ja Stor-Elvdal gielddat, Hedemárkku fylka
  8. Ytterøya luonddumeahcci, Elverum gielda, Hedemárkku fylka
  9. Kalvmyra luonddumeahcci, Elverum gielda, Hedemárkku fylka

10.  Askevann luonddumeahcci, Rakkestad gielda, Østfold fylka

11.  Fuglen ja Ømyr luonddumeahcci (viiddiduvvon), Halden gielda, Østfold fylka

12.  Gukilhøgda luonddumeahcci, Trøgstad ja Aurskog-Høland gielddat, Østfold ja Akershus fylkkat

13.  Jerndalsfjellet luonddumeahcci, Råde gielda, Østfold fylka

14.  Prestebakkefjella luonddumeahcci (viiddiduvvon), Halden gielda, Østfold fylka

15.  Sandå ja Henestangen luonddumeahcci, Råde ja Våler gielddat, Østfold fylka

16.  Sandungåsen luonddumeahcci, Hurum gielda, Buskerud fylka

17.  Veikulåsen luonddumeahcci (viiddiduvvon), Gol gielda, Buskerud fylka

18.  Halvfaråsen luonddumeahcci, Sigdal gielda, Buskerud fylka

19.  Knipetjennåsen luonddumeahcci, Krødsherad gielda, Buskerud fylka

20.  Grønknuten luonddumeahcci (viiddiduvvon), Modum gielda, Buskerud fylka

21.  Askerudbekken luonddumeahcci, Modum gielda, Buskerud fylka

22.  Sønstebybekken luonddumeahcci, Modum gielda, Buskerud fylka

23.  Høgtidsåsen ja Svartfjellet luonddumeahcci, Modum gielda, Buskerud fylka

24.  Mastedalen luonddumeahcci, Modum gielda, Buskerud fylka

25.  Mjøvann luonddumeahcci, Skien gielda, Telemárkku fylka

26.  Øyvassheia luonddumeahcci, Åmli gielda, Aust-Agder fylka

27.  Åmtona luonddumeahcci, Åmli gielda, Aust-Agder fylka

28.  Geislafoss luonddumeahcci, Audnedal gielda, Vest-Agder fylka

29.  Heltveit - Bjørge luonddumeahcci, Lindås gielda, Hordaland fylka

30.  Katnosa-Spålen luonddumeahcci (viiddiduvvon), Ringerike gielda Buskerud fylkkas, Jevnaker ja Lunner gielddat Oppland fylkkas.