Tine Sundtoft lea sajis dálkkádat- ja birasgáhttenministtarin

Gaskavahku eahketveaigin oaččui Tine Sundtoft čoavddakoartta kantuvrii heaiti birasgáhttenministaris Bård Vegar Solhjell. Sundtoft lea riikka vuosttas dálkkádat- ja birasgáhttenministtar.

Gaskavahku eahketveaigin oaččui Tine Sundtoft čoavddakoartta kantuvrii heaiti birasgáhttenministaris Bård Vegar Solhjell. Sundtoft lea riikka vuosttas dálkkádat- ja birasgáhttenministtar.

-Mii galgat mánáidasamet guođđit eananspáppa mii lea unnimusat seammá dásis go dat leai go min váhnemat dan adde midjiide. Munnje lea dehálaš ahte mis lea buolvvaidperspektiiva dan politihkas maid   fievrridat, cealká Sundtoft.

Ođđa ráđđehus áigu joatkit ja nannet Dálkkádatsoahpamuša.

-26 jagi vásáhusat politihkas, ealáhuspolitihkas ja fylkkaráđđeolbmá doaimmas leat oahpahan ahte politihkas leat dehálaš erohusat. Danne illudan beassat leat mielde nannemin Dálkkádatsoahpamuša doaibmabijuid, dadjá Sundtoft.

Tine Sundtoft ássá Lillesand gávpogis Aust-Agderis ja son boahtá fylkkaráđđeolbmá ámmáhis Vest-Agderis. Son lea ovdal bargan earret eará NHO regiovdnadirektevran Agderis ja lea leamaš Olgešbellodaga politihkalaš ráđđeaddi Stuoradikkis.

Geahča govaid čoavddakoartta geigema dilálašvuođas Flickr-siidduin

Tine Sundtoft lea sajis dálkkádat- ja birasgáhttenministtarin. (Foto: Anne Elisabeth Scheen, Birasgáhttendepartemeanta.)