Oza veahki jus vásihat veahkaválddi lagas relašuvnnain

Informasjon om koronasituasjonen endrer seg raskt og kan derfor være utdatert. 

Sjekk temasiden Koronasituasjonen for siste nytt fra regjeringen, eller Helsenorge.no for oversikt over råd og regler om koronaviruset på samisk.

Ráđđehus lea álggahan ollu doaimmaid mat hehttejit koronavirusa njoammunleavvama ja mat galget suddjet álbmoga. Veahkaváldin lagas relašuvnnain ii leat dohkálaš beroškeahttá makkár dilálašvuohta lea. Veahke- ja doarjjabálvalus galgá dan dihte, nu guhkásgo vejolaš lea, leat rabas dán hástaleaddji áiggis.

Jus leat vásihan veahkaválddi ovttasorrus dahje earáin du bearrašis, de lea dehálaš ahte ozat veahki.

Veahkaváldit sáhttet maiddai ohcat veahki.

Váldde maiddai oktavuođa jus balahat ahte ránnjá dahje earát du lagasbirrasis vásihit veahkaválddi lagas relašuvnnain.

Geainna sáhtát váldit oktavuođa?

Jus vásihan veahkaváldima lagas relašuvnnain, balat ahte ieš sáhtát leat veahkaváldi, dahje balahat ahte earát du birrasis vásihit veahkaváldima, váldde oktavuođa muhtun bálvalusain mat leat vuollelis.

Jus leat heaggaváras, čuojat politiija heahtenummarii 112.

Jus vásihat veahkaválddi lagas relašuvnnain, dahje balat vásihit dan, de čuojat politiijaide 02800. Doppe biddjot politiijaguvlui mii sáhttá veahkehit du dan dilálašvuođas. 

Jus leat vásihan veahkaváldima lagas relašuvnnain, de sáhtát oažžut veahki ja bagadallama rihkussuojehemiid doarjjaguovddážis. Doarjjaguovddáš sáhttá du veahkehit:

  • dieđuiguin ja bagadallamiin jus áiggut politiijaide dieđihit
  • doarjut du politiijadieđiheami rájes gitta dássážiigo ášši lea mearriduvvon
  • vihtandoarjja ovdal, go lea ja maŋŋel vejolaš dikki.
  • veahkehit ohcat veahkaváldinbuvttadusa

Čuojat doarjjaguovddáža telefovdnii 800 40 008.

Doppe sáhtát don gii leat vásihan dahje balat vásihit veahkaváldima lagas relašuvnnain gávdnat dieđuid makkár veahkkefálaldat gávdno dan suohkanis gos orut. Dat dieđut leat 13 gillii.

Dinutvei.no.s leat maiddái dieđut olles riikka veahkkefálaldagain, ja sis lea maiddái jearaldat/vástidanbálvalus.

Dinutvei.no lea maiddai veahkkefálaldat veahkaváldiide.

Logge dan neahttabáikái dás dinutvei.no.

Illasteami- ja veahkaválddálašvuođalinjjá (VV-linnjá) 116 006 lea veahkkelinjjá dutnje gii vásihat illasteami dahje veahkaválddálašvuođa lagas relašuvnnain. VV-linnjá lea rabas buot beivviid, birra jándora.  

Sii geat vástidit veahkkelinnjás leat hárjánan dustet olbmuid geat leat vásihan veahkaváldima ja veahkaválddálašvuođa ja sii barget beaivválaččat dakkár gažaldagaiguin. Sáhtát hupmat VV- linnjás iežat vásáhusaid birra, oažžut veahki, ráđi ja vástádusaid gažaldagaide. Dohko sáhtát namaheapmin čuojahit ja bálvalus lea nuvttá.

VV-linnjá: 116 006

Heahteguovddáš sáhttá veahkehit du suodjalemiin, sihkkarvuođain, ráđiiguin ja bagadallamiin.

Jus leat vásihan veahkaválddi lagas relašuvnnain, de váldde oktavuođa iežat lagamus heahteguovddážiin.

Veahkaválddálašvuođa vuostáváldinbáikkit fállet medisiinnalaš veahki ja ráđđeaddimiin sidjiide geat leat vásihan veagalváldima, rihpama dahje eará seksuálalaš veahkaválddálašvuođaid. Veahkaválddálašvuođa vuostáváldinbáikkit leat rabas birra jándora ja dohko beasat čujuhusa haga.

Sáhtát hupmat iežat fástadoaktáriin veahkaválddi birra. Fástadoaktáris lea ovddasvástádus ollisvuhtii go don čielggaduvvot, dikšojuvvot ja leat dearvvašvuođalaš čuovvoleamis. Fástadoaktáris lea dávjá buorre bajilgovva ovttaskasolbmo dearvvašvuođas ja eallindilálašvuođas, son sáhttá leat buorre ságastallanguoibmi ja sus lea hárjáneapmi olbmuide geat leat váttis dilis.

Fástadoaktáris lea jávohisgeatnegasvuohta ja danin ii leat sus lohpi juogadit du birra dieđuid earáiguin, jus don it leat addán lobi dasa, dahje jus ii leat heagga ja dearvvašvuođa várra. Fástadoavttir fállá dulkkago lea dárbu dasa.

Fástadoavttir sáhttá maid čujuhit du erenoamášdearvvašvuođabálvalussii jus lea dárbu, dahje muitalit dutnje eará báikkiid birra gos sáhtát oažžut veahki, ja gosa it dárbbaš čujuhusa - nugo heahteguovddážii, bearašsuodjalussii dahje eará sadjái.  

Boarrásiid suodjalus veahkeha boarrásiid geat soitet dahje geat leat vásihan veagalváldima ja veahkaválddálašvuođa.

Jus leat 62 jagi ja vásihat illasteami ja veahkaválddálašvuođa, de sáhtát čuojahit nationála oktavuođatelefovdnii 800 30 196, ráđi, bagadallama ja veahki oažžut.

Sáhtát maiddai geavahit dán nummara jus leat oapmahaš dahje jus balahat ahte muhtun boaresolmmoš vásiha veagalváldima ja veahkaválddálašvuođa.

Telefovdnabálvalus lea rabas mánnodagas gitta bearjadahkii dii. 09.00 -15.00. Fálaldat lea nuvttá, ja don sáhtát leat namaheapme.

Boarrásiid suodjalus - nationála oktavuođatelefovdna: 800 30 196

Molssaeaktu veagalváldimii (MV) lea dikšunfálaldat lagas relašuvnnaid veagalváldiide, muhto maiddai ollesolbmuide ja mánáide geat vásihit veahkaválddi, ja nuoraide geain leat veagalváldinváttisvuođat- ja suhttanváttisvuođat.

MV telefovnna rahpanáiggit leat árgabeivviid dii. 9.00-15.00 rádjái ja sii čuovvulit iežaset klieanttaid telefovnnas ja E-terapiijain. MV ii álggat ođđa dikšumiid áigodagas mii lea gitta cuoŋománu 13. beaivvi rádjái, muhto váldet vuostá ja registrerejit ođđa oktavuođaváldimiid. MV:in sáhttá váldit oktavuođa vai oažžu ráđi ja bagadallama.

Molssaeaktu veagalváldimii (MV): 22 40 11 10

Brøset Modealla suhttohálddašeapmi lea veahke- ja dikšunfálaldat lagas birrasis veagalváldiide. Muhtun bálvalusbáikkit fállet maiddai veahki nuoraide geain leat veahkaválde- ja suhttováttisvuođat.

Bajilgova regionála fálaldagain gávnnat dáppe: www.sinnemestring.no

Váldde oktavuođa iežat lagamus veahkkefálaldagain. Čuovvoleapmi addo telefovnna dahje skype bokte.

Bearašsuodjalanbálvalus lea vuosttašceahkkefálaldat bearrašiidda geat vásihit váttisvuođaid, konflivttaid dahje heahtedili bearrašis. Koronaepidemiija áiggis fállá bearašsuodjalankantuvrraide ráđi ja bagadallama telefovnna bokte. 

Mánáid ja nuoraid alárbmatelefovnna lea birrajándora heahtetelefovdna mánáide ja nuoraide. Sii geat vástidit barget mánáidsuodjalusas. Mánát sáhttet čuojahit dohko jus sis ii leat buorre, ja ollesolbmot sáhttet čuojahit dohko jus dárbbašit ráđi dahje dihtet mánáid birra geain ii leat buorre dilli.

Sáhtát maiddai čuojahit báikkálaš mánáidsuodjalussii: barnevernvakten.no/kommuner

Alárbmatelefovdna: 116 111

Varraheahpada ja seksuálalaš veahkaválddálašvuođa doarjjaguovddáš lea lassin almmolaš veahkkebálvalussii ja fállá ráđi, doarjaga ja bagadallama sidjiide geat leat vásihan seksuálalaš veahkaválddálašvuođa ja sin oapmahaččaide.

Seksuálalaš rohcošuvvon olbmuid várás veahkketelefovdna lea birrajándora rabas namaheames telefovdna dutnje gii leat vásihan seksuálalaš veahkaválddálašvuođa ja oapmahaččaide.

Seksuálalaš rohcošuvvon olbmuid várás veahkketelefovdna: 800 57 000