Bággonáitin ja vuolledábiid bilideapmi

Bággonáitimat, vuolledábiid bilideapmi ja eará vuogit ráddjet nuoraid friijavuođa leat illásteamit, mat dahkkojit lagaš olbmuid gaskavuođain. Lea mávssolaš hehttet mánáid ja nuoraid Norggas vásiheames dakkár illástemiid.

Bággonáitin lea gildojuvvon norgga lágas, ja rihkku olmmošvuoigatvuođaid ja riikkaidgaskasaš konvenšuvnnaid. Ollu čujuha dan guvlui, ahte dakkár náitimat dahkkojit eanaš olgoriikkas, muhto bággonáitima áitagiid gal vedjet sihke nieiddat ja gánddat vásihit Norggasge. Sin veahkeheapmi, geaidda dat guoská, gáibida sihke eiseválddiid ja siviila servodaga jotkkolaš áŋgiruššama. 

Vuolledábiid bilideapmi lea oktasaš namahus mii gokčá iešguđet vugiid čuohppat nieiddaid dahje nissoniid sohkabealleorgánaid eará go medisiinnalaš sivaid geažil. Dat lea dábálaš geavat máŋgga Afrihká riikkas, Arabia njárggas ja dihto álbmotjoavkkuin gaskanuorttas ja Ásias. Dutkamat čájehit, ahte máŋggaid jagiid ulbmillaš barggus vuolledábiid bilideame vuostá leat buorit bohtosat. Measta giige Norggas riegádan nieiddain ii gártta vásihit dan. Daid nieiddaid ja nissoniid gaskkas, geat bohtet Norgii riikkain, main ain bilidit vuolledábiid, de leat dattetge hui ollugat gártan dan vásihit. Ođđasit rahpama fálaldat ja daid nieiddaid ja nissoniid eará medisiinnalaš ja psykososiála čuovvoleapmi, geat leat vásihan vuolledábiid bilideami, lea danin mávssolaš, erenoamážit áhpehisvuođa ja riegádahttimiid oktavuođas. 

Bággonáitimat, vuolledábiid bilideapmi ja eará vuogit ráddjet nuoraid friijavuođa leat illásteamit, mat dahkkojit lagaš olbmuid gaskavuođain. Lea mávssolaš hehttet mánáid ja nuoraid Norggas vásiheames dakkár illástemiid. Sáhtát lohkat eanet dan birra sierra doaibmaplánas bággonáitima, vuolledábiid bilideami ja nuoraid friijavuođa duođalaš ráddjema vuostá

Maiddái SGDi neahttasiiddus leat ollu dieđut bággonáitimiid vuosttildanbarggu birra.

Bajás