Dán jagi miessemearkun lea álgán
Ođas | Almmustahtton: 01.07.2026 | Eanadoallo- ja biebmodepartemeanta
Máŋga orohaga leat mearkugoahtán dán jagi misiid – dat leage boazodoallojagis okta dain fiidnámus ja mávssoleamos áigodagain. Geasemánuid áiggi ja čakčat čoahkkanit siiddat ja bearrašat miessemearkumii. Miessemearkunáigge oaidná makkár dilis bohccot leat, ja dat lea bargu mii fievrrida viidásit sámi kultuvrras ovtta dain boarráseamos árbevieruin.
Boazomearkkat – sánit ja mearkaoalit – leat čuvvon bearrašiid ja sogaid čuđiid jagiid čađa. Juohke mearka lea oassin boazodoalu kulturárbbis, ja govvida gullevašvuođa, ovddasvástádusa ja historjjá. Mearkaoalit čuvvot dávjá bearrašiid ja sogaid buolvvaid mielde, ja máhttu mearkkaid birra fievrriduvvo váhnemiin mánáide.
Miessemearkun lea maiddái dehálaš oassi ceavzilis boazodoalus. Bohccuid mearkumis oaidná boazomáddodaga ja dat dahká vuođu guohtuneatnamiid ceavzilis geavaheapmái. Buot miesit merkejuvvojit ovdal golggotmánu 31.b. dan jagi go riegádit. Juohke mearka lea earenoamáš ja lea registrerejuvvon nationála mearkaregistarii Mearka, maid Eanadoallodirektoráhtta hálddaša. Báikkálaš mearkalávdegoddi ferte dohkkehit ođđa mearkkaid ovdalgo daid atnigoahtá.
Danne lea miessemearkun sihke kultuvra, máhttu ja ovddasvástádus – árbevierru mii čatná dološáiggi, dálááiggi ja boahtteáiggi oktii boazodoalus.