2021:s nannii Alimusriekti ahte Sárevuomi čearus lea guođohanvuoigatvuohta guovtti guovllus davábealde Álddesjávrri Beardus ja Málatvuomis dološ áiggi geavaheami vuođul. Maŋŋel 1972 boazoguohtunkonvenšuvnna čearru ii beassan šat geavahit daid guovlluid. Alimusriekti ii miehtan čearu gáibádussii oažžut buhtaduvvot guođohanvuoigatvuođa massima 1972 rájes. Sárevuopmi váiddii buhtadusášši EOD:i.

Eurohpalaš olmmošvuoigatvuođaduopmostuollu lea gávnnahan ahte Sárevuomi čearu vuoigatvuođat eai leat rihkkojuvvon eurohpalaš olmmošvuoigatvuođakonvenšuvnna mielde.

Duopmu bidjá loahpa gáibideaddji áššis.

Eanadoallo- ja biebmodepartemeanta váldá duomu diehtun.