Johtalusministtar Jon-Ivar Nygård (Bargiidbellodat)

E-poasta: postmottak@sd.dep.no
Telefovdna: 22 24 81 01

Riegádan: 1973
Doaibmagođii: 14.10.2021

Johtalusministara Jon-Ivar Nygård ovddasvástádussuorggit leat olbmuid ja gálvvuid fievrredeapmi ja poastabálvalusat.

Jon-Ivar Nygård (Bp) šattai johtalusministtar golggotmánu 14. b. 2021.

Dan ovdal lei son Fredrikstada sátnejođiheaddji 2011 rájes ja lea čohkkán gávpotstivrras 1993 rájes. Nygårdas leat leamašan máŋga doaimma Bargiidbellodagas ja álbmotválljejuvvon orgánain. Son čohkkái Bargiidbellodaga riikastivrras áigodagas 2003-2004, ja lea leamašan Bargiidbellodaga guovddášstivralahttu 2014 rájes. Son lea válljejuvvon Stuoradiggái Østfolda ovddasteaddjin áigodahkii 2021-2025. Nygård lea can.mag. Oslo universitehtas ja Østfolda allaskuvllas gos lea lohkan historjjá, sosiálaekonomiija ja stáhtadiehtaga.