Aktiver Javascript i din nettleser for en bedre opplevelse på regjeringen.no

Johtolatdepartemeantta ovddasvástádussuorggit

Johtolatdepartemeanttas lea váldoovddasvástádus rámmaeavttuin mat gusket poastadoaimmahahkii, áibmojohtolat-, geaidno- ja ruovdemáđijasuorgái, riikageaidnofearggaide, riddohálddašeapmái ja hámman- ja mearrajohtolatpolitihkkii.

Johtolatdepartemeanttas lea bajimus ovddasvástádus dáin surggiin:

  • Poasta
  • Áibmojohtolat
  • Riikkageainnut
  • Ruovdemáđija
  • Riikageaidnofearggat
  • Riddohálddašeapmi
  • Hámman- ja mearrafievrridanpolitihkka

Johtolatdepartemeantta guovddášdoaimmat leat guhkesáiggeplánabarggut, čielggadeamit, analysat, lágat, láhkaásahusat, konsešuvnnat ja bušeahttabarggut dáin surggiin. 

Politihkkahábmen

Ráhkkanahttit áššiid mat galget ovddiduvvot Stuoradiggái, Nationála fievrridanplána, jahkásaš stáhtabušeahtta ja láhkaevttohusat ja láhkarievdadusat.

Hálddašeapmi

Meannudit ja almmuhit áššiid mat gullet departemeantta ovddasvástádussurggiide, ja gažaldagaid ja váiddaáššiid ovttaskas olbmuin ja ásahusain.

Etáhtajođiheapmi

Čuovvulit ahte etáhtat jođihuvvojit siskkobealde juolludemiid Stuoradikki ja departemeantta mearriduvvon ulbmiliid ja boađusgáibádusaid ja eará eavttuid vuođul. Jođihit Stáhta geaidnodoaimmahaga, Geaidnobearráigeahču, Ruovdemáđidjadirektoráhta, Áibmojohtolatbearráigeahču, Riddodoaimmahaga, Stáhta johtolatlihkuhisvuođa kommišuvnna ja Stáhta ruovdemáđijabearráigeahču, das maid bádde- ja jođasbánaid ja párka- ja tivolirusttegiid.

Fitnodatjođiheapmi

Hálddašit stáhta eaiggátberoštumiid stáhtalaš oasusfitnodagain Avinor AS, Vygruppen AS (ovdal NSB AS), Nye Veier AS, Mantena AS ja Norske tog AS, ja hálddašit stáhta eaiggátberoštumiid stáhtafitnodagas Bane NOR SF. 

Bajás