Ossodagat

  • Geaidno-, gávpot- ja johtolatsihkarvuođaossodat

    Geaidnojuhkosis lea ovddasvástádus čadnojuvvon riikkageainnuid plánemii, huksemii ja divodeapmái, ja bajimus ovddasvástádus Statens Vegvesen (Stáhta geaidnodoaimmahat) ja Vegtilsynet (Geaidnobearráigeahču) etáhtastivremis. Geaidnoláhka lea juhkosa ovddasvástádus. Viidáseappot leat riikageaidnofearggat, ja huksenšiehtadusat Nye Veier AS: in juhkosa ovddasvástádus. Johtolatsihkarvuođajuhkosa ovddasvástádusat leat departemeantta bargu johtolatsihkarvuođain geainnuin, ja ovdánahttit geaidnojohtolatlágaid ja virgefievrredeami njuolggadusaid. Gávpotjuhkosa ovddasvástádusat leat earet eará departemeantta bargu gávpotbirrasiin ja gávpotstuorrunšiehtadusaiguin, ruhtadeapmi bommamávssuin ja johtaleaddjimáksu, ja stáhta kollektiivaprošeavttaid oasseruhtadeapmi. Dasa lassin leat gávpotpáhkat, ja prošeavttat mat gullet gávpogiidda/čoahkkebáikkiide ja areálapolitihkka, fárrolagajohtolat, biras ja teknologiijaovdánahttin mii lea relevánta gávpogiidda juhkosa ovddasvástádus.

    Ekspedišuvdnahoavda Anders Buttedahl

  • Ruovdemáđii-, plána- ja birasossodat

    Ekspedišuvdnahoavda Are Forbord

  • Áibmojohtolat-, poasta- ja oastinossodat

    Regulatoralaš ja riikkaidgaskasaš áššiid sekšuvnnas lea suorgeovddasvástádus áibmojohtolagas ja poastadoaimmain, ja bajitdási ovddasvástádus lea láhka- ja láhkanjuolggadusbargu áibmojohtolat- ja poastasuorggi siskkobealde. Stivren- ja oastinsekšuvnnas lea etáhtastivrenovddasvástádus Áibmojohtolatbearráigeahčus ja Stáhta fievrridan havariijakommišuvnnas. Dasa lassin lea sekšuvnna ovddasvástádus oastit gánnáhahtekeahtes girdi- ja poastabálvalusaid ja riddoruvttobálvalusaid. Ossodaga ovddasvástádus lea maid koordineret EEO-bargguid departemeanttas, ja čuovvulit daid departemeantta EEO-strategiija ektui. Ossodaga ovddasvástádussii gullá maid koordineret riikkaidgaskasaš doaimmaid departemeanttas.

    Ekspedišuvdnahoavda Trine Speismark Lindgren

  • Stivren-, hálddahus- ja servodatsihkkarvuođaossodat

    Stivren-, hálddahus- ja servodatsihkkarvuođaossodaga váldoovddasvástádus lea fuolahit doaibmastivrejumi ja koordineret etáhtastivren-, bušeahtta- ja ekonomiijadoaimmaid ja servodatsihkkarvuođa departemeanttas. Ossodagas lea viidáseappot eaiggátstivrenovddasvástádus Johtolatdepartemeantta gávpevuođđudusain. Ossodat galgá maid fuolahit oktasašdoaimmaid ja hálddašanáššiid.

    Ekspedišuvdnahoavda Tove Kristin Flølo

  • Gulahallanovttadat

    Gulahallanovttadat (GUL) ovttastahttá preassa- ja diehtojuohkindoaimma ja jođiha barggu diehtojuohkinfágalaš oasi. GUL galgá veahkehit mediaid, váikkuhit dasa ahte almmolašvuođaláhka praktiserejuvvo iežas ulbmila vuođul, bargat siskkáldas diehtojuohkinbargguiguin, muitalit politihkalaš jođiheapmái ja muđui fágaossodagaide maid mediat čállet johtolatsuorggi áššiid birra. Ovttadagas lea doaimmahuslaš ovddasvástádus neahttasiidduin ja sosiála mediain. Preassafákta/preassatelefovdna (vuossárggas bearjadahkii 08–16): 919 14 777

    Gulahallanhoavda Camilla Bredde Pettersen