Suodjalusminisstara Bjørn Arild Gram

Suodjalusminisstara Bjørn Arild Gram (Guovddášbellodat)

Suodjalusdepartemeanta lea politihkalaš/hálddahuslaš institušuvdna. Suodjalusdepartemeanta lea danin oassi politihkalaš stivrenapparáhtas ja oassi hálddahusvuogádagas.

Doaibmagođii: 12.04.2022

Čujuhus: Pb. 8126 Dep., , 0032 Oslo
E-poasta: postmottak@fd.dep.no
Telefovdna: 23 09 80 00

Son lei dan ovdal KS stivrajođiheaddji guovvamánu 2020 rájes golggotmánnui 2021.

Gram lea leamaš Stïentje (Steinkjer) gieldda sátnejođiheaddji 2007-2020, ja KS váldostivrra várrejođiheaddji 2012 rájes. Son lea váldán siviilaekonoma oahpu, ja lea maid lohkan historjjá, ekonomiija, jođiheami ja hálddašeami.

Bjørn Arild Gram lei Telenor Mobil ossodatjođiheaddji 2000 - 2004. Son lea leamaš maid Ruhtadandepartemeantta stáhtačálli 2005 - 2007, Stuorradikki politihkalaš ráđđeaddi ja fylkkasátnejođiheaddji Kolbjørn Almlida politihkalaš čálli. 

Son lea leamaš Davvi-Trøndelága dearvvašvuođafitnodaga stivrralahttu áigodagas 2012 - 20 ja lea Finánsageahču stivrra várrelahttu, gii searvá čoahkkimiidda.

Gram lei Davvi-Trøndelága guovddášbellodaga fylkkajođiheaddji 2004 - 2006 ja 2010 - 2012.

Son lei Davvi-Trøndelága fylkkagieldda fylkkadiggeáirras 1995 - 2019.