Áigeguovdil

Koronaiskannjuolggadusat ložžejuvvojit Svalbárdda mátkkiide

Ráđđehus ložže dál mátkkoštannjuolggadusaid mat gusket Svalbárdda mátkkiide. Dat mearkkaša, ahte Svalbárdda ássit, ollásit boahkuhuvvon olbmot, ja sii geat leat buohcan covid-19 dávdda eai dárbbaš šat iskkahit iežaset ovdal go vulget Svalbárdii.

Loahpahit jeavddálaš iskama

Korona njoammudávda lea dál leavvagoahtán hui viidát ja johtilit, ja nu ii leat šat ulbmillaš ávžžuhit olbmuid jeavddálaččat iskkahit iežaset. Danne loahpahuvvo jeavddálaš iskangáibádus. Njuolggadusrievdadus gustogoahtá seammás.

Doarjja veahkehit guohtunroasus

Boazodoalu šiehtadusbealit leat boahtán ovttaoaiviliidda heahtegearggusvuođafoandda geavaheami birra. Ráhppojuvvo juolludit doarjaga kr. 4,50 juohke bohcco nammii juohke jándora daidda orohagaide main lea roassu.

Buohcceviessosárdni 2022: Mii nannet oktasaš dearvvašvuođabálvalusaid

Sii geain leat golbma boahkkodosa eai dárbbaš váldit pcr-iskosa

Dearvvašvuođa- ja fuolahusministtar Ingvild Kjerkol dahká vejolažžan dan ahte sii geat leat váldán golbma boahkkodosa dahje leat váldán guokte dosa ja lea leamašan koronadávda maŋemus golbma mánu siste, eai dárbbaš váldit duođašteaddji pcr-iskosa.

Riikii boahtima erren loahpahuvvo

Álbmotdearvvašvuođainstituhta rávvagiid mielde loahpaha ráđđehus errennjuolggadusaid mat gusket mátkkošteddjiide geat bohtet Norgii, danne go daidda ii leat šat dárbu njoammuneastadanfágalaš árvvoštallama vuođul. Errennjuolggadusat loahpahuvvojit

Iskosat buhtadit lagašoktavuođaid njoammunerrema

10 jándora njoammunerrema sajis sáhttet seammá ásodaga olbmot ja vástideaddji vuogi mielde lagaš olbmot váldit iskosa juohke beaivve. Láhkaásahus rievdá ja gustogoahtá gaskaija, ođđajagemánu 26. beaivvi čuovganeapmái.

Fysalaš oahpahus čađahuvvo fas studeanttaide

Ráđđehus fámohuhttá njuolggadusaid mat gusket digitála oahpahussii, eksámenii ja gálggaid hárjehallamii. Sii ávžžuhit allaskuvllaid, universitehtaid ja fágaskuvllaid láhčit eanet fysalaš oahpahusa, nu ahte eanet studeanttat besset čuovvut oahpahusa

Mánáid ja nuoraid koronaboahkuheapmi

Váhnemat ja ovddasteaddjit ožžot dál fálaldaga boahkuhit mánáideaset, geat leat gaskal 5 ja 11 jagi. Boahkuheapmi lea eaktodáhtolaš, ja dan ahkejovkui ii addo gal oktasaš boahkuhanávžžuhus.

Rievdadit iskan-, isoleren-, njoammuma guorran- ja errenstrategiija (IINE)

Ráđđehus rievdada iskan-, isoleren, njoammumiid guorran- ja errenstrategiija (IINE, dárogillii TISK). Njoammunerrema sadjái boahtá iežas iskkaheapmi, ja olbmot almmuhit ieža lagašolbmuidasaset, jos ožžot positiiva vástádusa iskosis.

Árvvoštallet koronaduođaštusa gáibideami doaluin ja guossohansajiin

Ráđđehus lea addán Dearvvašvuođadirektoráhta ja Álbmotdearvvašvuođainstituhta bargun árvvoštallat konkrehta láhkaásahusevttohusa dan birra mo koronaduođaštusa sáhtášii váldit atnui doaluin ja guossohansajiin.

Norgga Boazosápmelaččaid Riikkasearvvi gáibádusa geigen

Norgga Boazosápmelaččaid Riikkasearvi (NBR) geigii odne iežas gáibádusa stáhtii Boazodoallošiehtadusa šiehtadallamiid oktavuođas 2022/2023 ovddas.

Ođđajagesárdni 2022

Buorit olbmot. Dán ija ja odne mii leat sávvan guđet guimmiidasamet buorre ođđa jagi.

Lágideaddji: Stáhtaministtar Jonas Gahr Støre

Dárkileabbo koronaiskan-vuoruheapmi ja čavgadeabbo errennjuolggadusat

Ollugat jearahit jođánis- ja iešiskosiid, ja danne fertejit gielddat čielgaseappot vuoruhit geat ovddimus galget iskojuvvot. Ráđđehus lea maid addán Dearvvašvuođadirektoráhtii bargun oastit eanet koronaiskosiid nu johtilit go vejolaš. Juovlamánu 15.

Ráđđehus juolluda miljárda sturrosaš elrávdnjepáhka

Ráđđehus almmuha odne gaskaboddosaš doarjjaortnega, man ulbmil lea veahkehit dábálaš olbmuid miehtá riikka máksit mearehis divrras el-rávdnjerehkegiid dán dálvvi. Ortnega bokte ožžot buot dállodoalut ruhtadoarjaga gokčat erenoamáš stuora

Gielddat fertejit ráhkkanit boahkuhit goalmmát háve buohkaid, geat leat deavdán 45 jagi

Ráđđehus dáhttu gielddaid fállat dievasmahttinboahkuid sidjiide, geat leat deavdán 45 jagi, dan maŋŋá go dan leat fállan buohkaide, geat leat badjel 65 jagi. Maiddái badjel 18-jahkásaččaide, geain leat duođalaš buohcuvuođat, ja buohkaide geat barget

Buohkat fertejit válddihit koronaiskosa maŋŋil go Norgii leat boahtán

Ráđđehus lea dál čavgen koronaiskannjuolggadusaid, dan geažil go háliidat eastadit ja hehttet ođđa omikronvirusa leavvama. Bearjadaga juovlamánu 3.beaivvi gaskaija rájes galget buohkat geat bohtet Norgii válddihit koronaiskosa beroškeahttá

Ráđđehus ásaha ođđa ráddjehusaid, vai hehttejit ođđa virusvariántta leavvamis Norgii

Ráđđehus ásaha ollu ráddjehusaid, mat gustogohtet vajot, vai hehttejit ja goazadit ođđa, Mátta-Afrihkás fuomášuvvon virusvariántta.

Dál ásahit ráddjehusaid vai goazadit omikronvariántta leavvama Norgii

Dál ásahit ollu ráddjehusaid, vai goazadit ođđa omikronvariántta boahtima riikii.

Ráđđehus joatká spiehkastannjuolggadusa mii guoská dearvvašvuođabargiide geat leat mannan ealáhahkii

Koronapandemiija geažil lea mearriduvvon spiehkastannjuolggadus mii addá vejolašvuođa penšunerejuvvon dearvvašvuođabargiide máhccat ruovttoluotta bargui almmá dan ahte penšuvdnasisaboahtu unniduvvo. Ráđđehus evttoha joatkit dán ortnega.