Eanandoallo- ja biebmoministtar deaivvadii sámi ofelaččaiguin
Ođas | Almmustahtton: 09.12.2025 | Eanadoallo- ja biebmodepartemeanta
Eanandoallo- ja biebmoministtar Nils Kristen Sandtrøen deaivvadii odne sámi ofelaččaiguin go fitne Eanandoallo- ja biebmodepartemeanttas gullame departemeantta boazoealáhusa bargguid birra.
– Lea hui hávski deaivvadit nuorra áŋgiris olbmuiguin. Sámi ofelaččaid áŋgiruššan oahppat ja ipmirdit eambbo sámi kultuvrra ja boazoealáhusa birra lea dehálaš, dadjá Nils Kristen Sandtrøen.
Sámi ofelaččat leat studeanttat, geat mátkkoštit miehtá Norgga ja logaldallet sápmelaččaid ja sámi dilálašvuođaid birra, vuosttažettiin joatkkaskuvllain. Sii muitalit iežaset árgabeaivvi, kultuvrra ja árbevieruid birra njuolggo gulahallamiin eará nuoraiguin. Ofelaččat lohket sámi kultuvrra- ja servodatoahpu Sámi allaskuvllas Guovdageainnus, ja ofelastinbargu lea oassin sin oahpus.
Oahppojagi 2025/2026 ofelaččat leat:
- Aleksandra Kjenner, Ájluovttas
- Ida Jeanett Knutsen, Ájluovttas
- Malene Synnøve Aslaksen-Eriksen, Dielddanuoris
- Risten Fromentin Rajala Lautz, Deanus
- Risten Valgred Wikman, Romssas
- Tina Emilie Anti, Kárášjogas
Okta oassi ofelaččaid oahpus lea fitnat departemeanttain, gos sii galget oahppat movt hálddašeapmi doaibmá ja movt dat iešguđetge departemeanttat barget sámi áššiiguin. Dan oktavuođas fitne sii Eanandoallo- ja biebmodepartemeanttas gullan dihte movt departemeanttas barget boazoealáhus áššiiguin.