Bierggus lea alla kvalitehta, sierralágan máhku ja das lea dakkár lunddolaš álgu dahje vuolgga mii ii leat jur buot vuođđoávdnasiin.  

Boazu guohtu olgun birra jagi ja čuovvu meahci ritma, mii dagaha bohccobirgui dihto máhku ja kvalitehta, ja dainna dat biergu lea dovddus. Bierggu kvalitehta boahtá das go boazu johtáladdá iešguđet guohtumiid gaskka. Geasset boazu guohtu álbmás šattuid mat nanusmahttet ealli dálvái, ja dálvet gis guohtu jeahkála ja eará šattuid mat leat muohttaga vuolde. Iešguđetlágan guohtumat dagahit lunddolaš máhku birgui ja dat máhku sáhttá rievddadit guovlluid ja ealuid mielde.

Bohccobiergu lea olámuttos sihke varasnaga njuovadanáiggi ja maid galmmihuvvon gálvun birra jagi. Danne bohccobierggu sáhttá álkit málestit beassážiid áigge – leaččat dal áigume jođánit málestit maŋŋel čuoiganmátkki, árbevirolaš ávvumállásiid ráhkadit dahje hálidat geahččaladdat ođđa borramuša ráhkadit. Matprat báikkis lea sierra fáddásiidu bohccobirgui, gos sáhttá gávdnat inspirašuvnna ráhkadit boahtte mállása. Cáhppon biergu lea klassihkar man lea álki ráhkadastit. Dalle basistat bierggu alla lieggasis ja dat heive sihke báđis ráhkaduvvon mállásii, kebab:ii dahje pizza:i. Bohccobiergu adnojuvvo maid máŋgga árbevirolaš sámi mállásii, nu go biđđos:ii – liekkadahtti báđis basistuvvon biergu ja ruotnasat mii heive bures beassášbeivviid rievddadeaddji dálkkiid áigge. Dás leat buorit rávvagat ruvjjiin ja das movt biergguin málestat.

Hálideaččat dal álkis mállása dahje erenoamáš ávvumállásiid, de bohccobierggus fidnet lunddolaš ja njálgga mállása beassážiid. Dat lea nannosit čadnojuvvon Norgga mehciide ja das lea alla kvalitehta, ja nu lea ge bohccobiergu dakkár ávnnas mii gal áinnas ánssáša saji beassášbeavddis.