Birasdepartemeanta šaddá Dálkkádat- ja birasdepartemeantan

Vai departemeantta ovddasvástádussuorggit šaddet čielgaseabbon, molsu Birasdepartemeanta nama Dálkkádat- ja birasdepartemeantan ođđajagimánu 1.b.2014 rájes.

Vai departemeantta ovddasvástádussuorggit šaddet čielgaseabbon, molsu Birasdepartemeanta nama Dálkkádat- ja birasdepartemeantan ođđajagimánu 1.b.2014 rájes.

- Ráđđehus galgá fievrridit áŋgiris dálkkádat- ja biraspolitihka. Ráđđehusa molsuma maŋŋá oaččui departemeanta ođđa ovddasvástádussurggiid, ja čielgaseabbo rolla dálkkádatpolitihkas. Danne leai lunddolaš molsut nama. Dálkkádat- ja birasdepartemeanta galgá ollislaččat vástidit dálkkádat- ja vuovdeáššiid, earreoastimiid ja CO2-buhtadusortnega, cealká dálkkádat- ja birasministtar Tine Sundtoft.

Ráđđehus áigu fievrridit váikkuheaddji dálkkádatpolitihka ja nannet dálkkádatsoahpamuša earret eará kollektiivajohtolaga, ođđa dálkkádatseasti teknologiija ja ruoná vearrokommišuvnna ásaheami bokte. Dat galgá gánnáhit leat birasseasti, ja áigumuššan lea rievdadit vearuid ja divadiid eanet birasseastin.

Departemeantta ovddasvástádussii gullet ain eará dehálaš áššit. Sihke luondduhálddašeapmi ja kulturmuitoláhka galget ain vuoruhuvvot.

- Mii áigut gáhttet norgga luonddu ja sihkkarastit iežamet kulturmuittuid, dadjá Sundtoft.