Dearvvašvuođa- ja fuolahusdepartemeantta ossodagat
Dearvvašvuođa- ja fuolahusdepartemeanttas leat gávcci ossodaga:
- Servodatsihkarvuođa ja riikkaidgaskasaš ovttasbarggu ossodat
- Bušeahtta- ja stivrenossodat
- Digitaliserenossodat
- Álbmotdearvvašvuođaossodat
- Dearvvašvuođariekteossodat
- Digitaliserenossodat
- Suohkanbálvalusossodat
- Spesialistadearvvašvuođaossodat
- Gulahallanossodat
-
Servodatsihkarvuođa ja riikkaidgaskasaš ovttasbarggu ossodat
Servodatsihkarvuođa ja riikkaidgaskasaš ovttasbarggu ossodagas lea ovddasvástádus Dearvvašvuođa- ja fuolahusdepartemeantta oktasašbargguide ja ovttastahttimii iežas ovddasvástádussurggiin ja lea sihkarvuođa, gearggusvuođa ja riikkaidgaskasaš áššiid fágaossodat.
-
Bušeahtta- ja stivrenossodat
Bušeahtta- ja stivrenossodat ovttastahttá bušeahttabarggu Dearvvašvuođa- ja fuolahusdepartemeanttas ja departemeanttaid vuollásaš etáhtaid čuovvoleami.
-
Digitaliserenossodat
Digitaliserenossodagas lea ovddasvástádus koordineret dearvvašvuođa- ja fuolahussuorggi digitaliserenbarggu. Digitaliseren lea guovddáš váikkuhangaskaoapmi dearvvašvuođa- ja fuolahusbálvalusa beavttálmahttimis ja viidásetovddideamis, ja almmolaš resurssaid beaktilet geavaheamis.
-
Álbmotdearvvašvuođaossodat
Álbmotdearvvašvuođaossodaga deháleamos doaimmaide gullá dearvvašvuođaovddideapmi ja eastadeapmi álbmotdásis ja dearvvašvuođaanalysat.
-
Dearvvašvuođariekteossodat
Dearvvašvuođariekteossodagas lea ovddasvástádus eanas lágaid ja láhkaásahusaid ovddas mat leat Dearvvašvuođa- ja fuolahusdepartemeantta suorggis.
-
Suohkanbálvalusossodat
Suohkanbálvalusossodagas (SBO) lea váldoovddasvástádus stáhta politihkas suohkanlaš dearvvašvuođa- ja fuolahusbálvalusaid hárrái, mat leat vuođđuduvvon suohkanlaš dearvvašvuođa- ja fuolahusbálvalusláhkii ja bátnedearvvašvuođaláhkii.
-
Spesialistadearvvašvuođabálvalusossodat
Dearvvašvuođa- ja fuolahusdepartemeanta hálddaša ja eaiggáduššá regiovnnalaš dearvvašvuođadoaimmahagaid. Ossodagas lea ovddasvástádus viidáseappot ovdánahttit spesialistadearvvašvuođabálvalusa ja dálkkaspolitihka, mas erenoamážit kvalitehta ja beasatlašvuođa, ja maiddái servodaga demográfalaš ja medisiinnalaš ovdáneami váikkuhusat, deattuhuvvojit.
-
Gulahallanovttadat
Gulahallanovttadagas lea fágalaš ovddasvástádus departemeanttaid siskkáldas ja olgguldas diehtojuohkimii. Mii koordineret departemeanttaid mediagulahallama ja heahtediehtojuohkima, ja mis lea ovddasvástádus departemeanttaid neahttasiidduide ja sosiálamediakanálaide.