Ovddasvástádussuorggit

Justiisa- ja gearggusvuođadepartemeantta ovddasvástádussii gullet servodatsihkkarvuohta ja gearggusvuohta, kriminalitehta vuosttaldeapmi ja vearredahkkiid váitta, sisafárren, duopmostuolut ja láhkabargu.

Dáid ovddasvástádussurggiid sáhttá čoahkkáigeassit golmma gollosii: Ráŋggáštusáššegoallus, dorvoohcciidgoallus ja servodatsihkkarvuođa- ja gearggusvuođagoallus.


Ráŋggáštusáššegoallus

Ráŋggáštusáššegollosii gullet politiija ja áššáskuhttineiseválddiid barggut eastadit, dutkat ja čielggadit vearredaguid, duopmostuoluid láidesteamit ja vearredahkkiid váitaga ráŋggáštusčađaheapmi ja ruovttoluotta máhcaheapmi servodahkii gednema maŋŋil.

Dorvoohcciidgoallus

Dorvoohcciidgollasa sáhttá čilget nu ahte dat lea proseassa dan rájes go olmmoš árvvoštallagoahtá guođđit ruovtturiikka ohcan dihtii dorvvu, dahje ovdalis dorvoohcci geas lea orronlohpi dohkkehuvvo dábálaš ássin muhtun gielddas, dahje ovdalis dorvoohcci gean ohcan hilgojuvvo ja ferte guođđit Norgga. Eanaš váikkuhangaskaoamit mat gullet dorvoohccigollosii leat gávdnamis Justiisa- ja gearggusvuođadepartemeantta ovddasvástádussurggiid vuolde.

Servodatsihkkarvuođa- ja gearggusvuođagoallus

Ovddasvástideaddjin servodatsihkkarvuođa- ja gearggusvuođagollosis galgá departemeanttas leat máhtu ja oppalaš diehtu riskkaid ja raššivuođaid birra ja fuolahit ahte olles suorggis leat dohkálaš gearggusvuohta ja heahtedili hálddašannávccat. Departemeanta galgá vástidit beaktilis ja ulbmillaš eastadandoaimmaid, čađaheami ja oahpu hárjehallamiid ja dáhpáhusaid olis. Gollosa dovdomearka lea ahte ollugat áimmahuššet iešguhtet osiid gearggusvuođadoaimmas, nugo heahteetáhtat, Siviilasuodjalus, fylkkamánne, gielddat, fylkkagielddat, Suodjalus, priváhta beroštumit ja eaktodáhtolaš organisašuvnnat.