Boazodoallopolitihka juogus (BJ)

Boazodoallopolitihkalaš juhkosis lea ovddasvástádus ovddidit boazodoallopolitihka, čađahit jahkásaš boazodoallošiehtadallamiid ja ovdánahttit ekonomalaš ja juridihkalaš gaskaomiid. Dasa lassin lea juhkosis ovddasvástádus boazodoallosuorggi boraspire- ja areálaáššiin, dálkkádatdoaibmabijuin ja gearggusvuođas, álbmotrievttálaš áššiin, lassiealáhusaid ovddideamis boazodoalu vuođul, riikkaidgaskasaš konvenšuvnnain ja rádjerasttideaddji boazodoalus. Juogus ovttasbargá olu Eanandoallodirektoráhtain ja stáhtahálddašeddjiiguin geain lea boazodoalloovddasvástádus.